ભારતના સ્ટાર બોક્સર નિશાંત દેવે પ્રોફેશનલ બોક્સિંગમાં પોતાનો અણનમ જીતનો સિલસિલો ચાલુ રાખ્યો છે નિશાંત દેવે ઘાનામાં આયોજિત વર્ષના પાંચમા મુકાબલામાં તાંઝાનિયાના બોક્સરને હરાવ્યો છે. તે અગાઉ 2024 પેરિસ ઓલિમ્પિકમાં હેડલાઇન્સમાં ચમક્યો હતો.
અમેરિકાની બહાર આ પહેલો મુકાબલો
નિશાંતે ચોથા રાઉન્ડના નોકઆઉટ પંચથી તાંઝાનિયાના અલી મ્બુક્વાને હરાવ્યો છે. આ વર્ષે નિશાંતનો આ ત્રીજો નોકઆઉટ વિજય થયો છે. એકંદરે, તેણે અત્યાર સુધીના તમામ પાંચ મુકાબલા જીત્યા છે. તે તેની શ્રેણીના ટોચના બોક્સરોમાંનો એક છે. યુનાઇટેડ સ્ટેટ્સની બહાર આ નિશાંતનો પહેલો મુકાબલો હતો, અને ભારતીય બોક્સર સરળતાથી જીત સુધી પહોંચી ગયો હતો.
