IND U19 vs AUS U19: વૈભવ સૂર્યવંશી ઓસ્ટ્રેલિયન ક્રિકેટ ટીમ માટે બની ગયો છે સૌથી મોટો ખતરો

એક સમય હતો જ્યારે સચિન ખરા અર્થમાં લિટલ માસ્ટર કહેવાતો અને એમાંય વાત જ્યારે ઓસ્ટ્રેલિયાની આવે ત્યારે સચિનનું બેટ કાંગરુઓ સામે જોરદાર બોલતું, ત્યારે હવે આ જવાબદારી વૈભવે સ્વીકારી હોય કઈક એવું લાગી રહ્યું છે.

વૈભવ સૂર્યવંશી વિરુદ્ધ ઓસ્ટ્રેલિયા

ચોક્કસથી આ ટાઇટલ વાંચ્યા પછી એક સવાલ થાય કે કોઈ એક ખેલાડી સામે આખી ટીમ કઈ રીતે હોય શકે? પરંતુ આ સત્ય છે અને આ કમાલ કરી છે ટીમ ઇન્ડિયાના સૌથી નાની વયના ખેલાડીએ વૈભવ સૂર્યવંશીએ જેણે ઓસ્ટ્રેલિયા સામે 221 રન બનાવ્યા, જેમાં તેણે 12 છગ્ગા અને 23 ચોગ્ગા પણ માર્યા હતા. નિષ્ણાતોના મત મુજબ વૈભવ સૂર્યવંશીએ અંડર-19 ક્રિકેટમાં ઓસ્ટ્રેલિયન ટીમ સામે હંમેશા વિસ્ફોટક બેટિંગ કરી છે.

કાંગારૂઓ સામે વિસ્ફોટક છે વૈભવ

વૈભવ સૂર્યવંશીનો અંડર-19 ક્રિકેટમાં ટ્રેક રેકોર્ડ જોતાં સ્પષ્ટ થાય છે કે હજી તો ગયા વર્ષે જ તેણે ભારતની અંડર-19 ટીમ સાથે ડેબ્યૂ કર્યું કર્યું છે પરંતુ કાંગારૂઓ સામે જેટલી પણ મેચ વૈભવે રમી છે એ તમામ મેચમાં વૈભવ સૂર્યવંશીએ કમાલ કરી છે. વૈભવ સૂર્યવંશીના મલ્ટી-ડે મેચના આંકડા પર નજર કરીએ તો એકંદરે ઓસ્ટ્રેલીયા માટે તે મોટો ખતરો સાબિત થયો છે, ઓસ્ટ્રેલિયન અંડર-19 ટીમ સામે સૌથી વધુ સદી, સૌથી વધુ છગ્ગા અને મલ્ટી-ડે મેચોમાં શ્રેષ્ઠ સ્કોરનો રેકોર્ડ વૈભવના નામે રહેલો છે.

વૈભવ સૂર્યવંશી માટે ઓસ્ટ્રેલિયા હોટ ફેવરિટ

ભારતીય અંડર-19 ટીમ માટે વર્ષ 2024માં ટીમમાં સ્થાન મેળવનાર આ યુવા ખેલાડીએ ટીમમાં સ્થાન મેળવતાની સાથેજ કાંગારૂઓને મેદાનમાં કચડવાનું ચાલુ કરી દીધું છે. વૈભવ સૂર્યવંશીએ તેની અત્યાર સુધીની અંડર-19 કારકિર્દીમાં પાંચ મલ્ટી-ડે મેચ રમી છે અને જેમાં સૌથી વધુ 3 મેચ ઓસ્ટ્રેલિયા સામે રમી છે. ઓસ્ટ્રેલિયા અંડર-19 સામે તેની રનરેટ અન્ય ટીમ કરતા પણ વધારે છે તેણે 55.25ની સરેરાશથી 221 રન બનાવ્યા છે.