ભારત અને ઇંગ્લેન્ડ વચ્ચે લોર્ડ્સ ક્રિકેટ ગ્રાઉન્ડ પર ત્રીજી ટેસ્ટ રમાઈ રહી છે. ટેસ્ટના ત્રીજા દિવસના પહેલા સેશનમાં અમ્પાયરે બોલ બદલવામાં વિલંબ કર્યો ત્યારે ભૂતપૂર્વ ભારતીય કોચ રવિ શાસ્ત્રી ગુસ્સે થયા હતા. તેમણે કહ્યું હતું કે અમ્પાયરો સમય બગાડ્યા વિના આ કરી શક્યા હોત. તેમને એ વાતનો પણ ગુસ્સો હતો કે અમ્પાયરો બોક્સની અંદર જે બોલ ચેક કરી રહ્યા હતા તેમાંથી કોઈ પણ ગેજમાંથી પસાર થઈ શક્યો નહીં.
આ ઘટના ત્રીજા દિવસના પહેલા સેશનની છે, જ્યારે ડ્રિંક્સ બ્રેક પછી, અમ્પાયરોએ બોલ તરફ જોયું અને તેને બદલવાનો નિર્ણય લીધો. આ પ્રક્રિયા બ્રેક પૂરો થયા પછી શરૂ થઈ.
રવિ શાસ્ત્રએ નિર્ણય સામે ઉઠાવ્યો વાંધો
રવિ શાસ્ત્રી સાથે કોમેન્ટ્રી કરી રહેલા ઇયાન વોર્ડ પણ આનાથી આશ્ચર્યચકિત થયા તેમણે આ નિર્ણય સામે વાંધો ઉઠાવ્યો અને કહ્યું કે જો તેને બદલવો જ હતો તો બ્રેકની શરૂઆતમાં કેમ નિર્ણય લેવામાં આવ્યો નહીં. વોર્ડે કહ્યું, શું આ મજાક છે? અમ્પાયરે બોલ બદલવાનો નિર્ણય લીધો છે. જો આવું જ કરવાનું હતું તો ડ્રિંક્સ બ્રેકની શરૂઆતમાં નિર્ણય કેમ ન લેવામાં આવ્યો? આખા બ્રેકની રાહ કેમ જોવામાં આવી? મેચ અત્યાર સુધીમાં શરૂ થઈ જવી જોઈતી હતી, પણ હવે અમ્પાયર બોલ બદલવા માગે છે.
રવિ શાસ્ત્રીએ શું કહ્યું?
ભૂતપૂર્વ ભારતીય ક્રિકેટર અને ભૂતપૂર્વ મુખ્ય કોચ રવિ શાસ્ત્રીએ પણ આ વાત સાથે સંમતિ દર્શાવી અને કહ્યું, હું તમારી સાથે સંપૂર્ણપણે સહમત છું આ સમજની બહાર છે. આ કોમન સેન્સની વાત છે. સૌથી વિચિત્ર વાત એ છે કે બોક્સની અંદર ગેજમાંથી 5 બોલ પસાર કરવામાં આવ્યા હતા, પરંતુ એક પણ તેમાંથી પસાર થઈ શક્યો નહીં. તો પછી આ બોલ બોક્સની અંદર કેમ રાખવામાં આવ્યા છે?
ક્રિકેટમાં ગેજ શું છે?
અમ્પાયરો પોતાની સાથે ગેજ નામનું ઉપકરણ રાખે છે. તેઓ તેનો ઉપયોગ બોલ તપાસવા માટે કરે છે. તે ગોળાકાર આકારનો હોય છે, તેનો ઉપયોગ ક્રિકેટ બોલનું કદ ક્રિકેટના નિયમો દ્વારા નિર્ધારિત માનક માપને પૂર્ણ કરે છે કે નહીં તે તપાસવા માટે થાય છે. બોલ તેમાંથી પસાર થવો જોઈએ, નહીં તો બોલ બદલાઈ જાય છે.
ત્રીજા દિવસે, ભારતનો પહેલો દાવ 387 રન પર સમાપ્ત થયો, ઇંગ્લેન્ડે પણ પહેલી દાવમાં એટલા જ રન બનાવ્યા હતા. એટલે કે પહેલી દાવના આધારે કોઈપણ ટીમ પાસે કોઈ લીડ નથી. હવે 2 દિવસની રમત બાકી છે, ઇંગ્લેન્ડનો બીજો દાવ આજે 2 રનથી આગળ વધશે.
