ગુવાહાટીમાં ભારત અને દક્ષિણ આફ્રિકા વચ્ચે ચાલી રહેલી ટેસ્ટ મેચનો બીજો દિવસ પૂર્ણ થયો છે.દક્ષિણ આફ્રિકાને 500 રન પહેલા ઓલઆઉટ કર્યા પછી,ભારતે એક પણ વિકેટ ગુમાવ્યા વિના 9 રન પર રમત બંધ કરી દીધી હતી.ઓપનર યશસ્વી જયસ્વાલ (7*)અને કેએલ રાહુલ (2*) અણનમ રહ્યા અને ત્રીજા દિવસે ભારતની ઇનિંગ ચાલુ રાખશે.ભારતની ઇનિંગ હવે 6.1 ઓવર સુધી રમાઈ ગઈ છે. ટીમ ઇન્ડિયાના બેટ્સમેનો ત્રીજા દિવસે કોઈ ખાસ નુકસાન વિના મોટો સ્કોર બનાવવાનું લક્ષ્ય રાખશે.
દક્ષિણ આફ્રિકા 489 રનમાં ઓલઆઉટ થયું
દિવસની રમતના ત્રીજા સત્રમાં ભારતીય બોલરોએ દક્ષિણ આફ્રિકાને પ્રથમ ઇનિંગમાં 489 રનમાં ઓલઆઉટ કરી દીધું. દક્ષિણ આફ્રિકા તરફથી સેનુરન મુથુસામીએ શાનદાર સદી ફટકારી, જ્યારે માર્કો જાનસેનએ 93 રનની મજબૂત ઇનિંગ રમી. મુથુસામીએ 109 રન બનાવીને પોતાની કારકિર્દીની પ્રથમ ટેસ્ટ સદી ફટકારી. કુલદીપ યાદવે જાનસેનને આઉટ કરીને દક્ષિણ આફ્રિકાની છેલ્લી વિકેટ લીધી. આ ઇનિંગમાં ભારત તરફથી ચાર વિકેટ સાથે તે શ્રેષ્ઠ બોલર રહ્યો. જસપ્રીત બુમરાહ, મોહમ્મદ સિરાજ અને રવિન્દ્ર જાડેજાએ બે-બે વિકેટ લીધી. દક્ષિણ આફ્રિકા બીજા દિવસની રમતમાં 6/247 ના સ્કોર સાથે આવ્યું.
