ઇન્ડિયન પ્રીમિયર લીગ મુકાબલાને લઈને નવી અપડેટ સામે આવી છે. માર્ચથી 31 મે દરમિયાન ઇન્ડિયન પ્રીમિયર લીગ (IPL) 2026 રમાશે તેવા સમાચાર સામે આવ્યા છે. આજે મીની ઓકશનમાં કોણ બાજી મારશે તે જાણવા ચાહકો અધીરા બન્યા છે. અબુ ધાબીમાં આજે ઈન્ડિયન પ્રીમિયર લીગનું મીની ઓકશન 2.30 વાગ્યે શરૂ થવાનું છે.
T20 વર્લ્ડ કપ બાદ રમાશે IPL
લાખો ભારતીયોની આજે ઓકશન પર નજર છે. હરાજીમાં આજે IPLની 10 ફ્રેન્ચાઈઝી 77 ખેલાડીઓ માટે બોલી લગાવશે. ક્રિકેટ ચાહકો પણ પોતાના મનપસંદ ખેલાડીઓનો કઈ ટીમમાં સમાવેશ છે તે જાણવા આતુર બન્યા છે. જયારે 77 ખેલાડીઓ પણ કઈ ફ્રેન્ચાઈઝી ઊંચી બોલી લગાવી તેમને લેશે તેને લઈને ઉત્સાહિત છે. BCCI એ ઇન્ડિયન પ્રીમિયર લીગ (IPL) 2026ની સત્તાવાર તારીખો અને સંપૂર્ણ સમયપત્રક જાહેર કર્યું નથી. એવું ચર્ચાઈ રહ્યું છે કે આઈપીએલની 19મી સીઝન પુરુષોના T20 વર્લ્ડ કપના સમાપન પછી અંદાજે ત્રણ અઠવાડિયા પછી શરૂ થશે. જણાવી દીએ કે ભારત અને શ્રીલંકામાં T20 વર્લ્ડ કપ 7 ફેબ્રુઆરીથી 8 માર્ચ દરમિયાન રમાશે.
