એશિઝ ટેસ્ટ સીરિઝની પાંચમી મેચ સિડની ક્રિકેટ ગ્રાઉન્ડ પર ઇંગ્લેન્ડ અને ઓસ્ટ્રેલિયા વચ્ચે રમાઈ રહી છે.ઇંગ્લેન્ડ તરફથી શાનદાર બેટિંગ કરતા જેકબ બેથેલે બીજી ઇનિંગમાં સદી ફટકારી હતી.આ બેથેલની પહેલી ટેસ્ટ સદી છે,તેણે અત્યાર સુધી ફક્ત પાંચ ટેસ્ટ મેચ રમી છે.તેની ઇનિંગને કારણે,ઇંગ્લેન્ડ બીજી ઇનિંગમાં મજબૂત સ્થિતિમાં દેખાય છે.તેણે ચોગ્ગા સાથે પોતાની સદી પૂર્ણ કરી.
જેકબ બેથેલનું નામ આ ખાસ યાદીમાં ઉમેરાયું
જેકબ બેથેલ ટેસ્ટ મેચમાં પોતાની પ્રથમ ફર્સ્ટ ક્લાસ સદી ફટકારનાર પાંચમા ઇંગ્લેન્ડના બેટ્સમેન બન્યા. જેકબ બેથેલ પહેલા, ઇંગ્લેન્ડ માટે આ સિદ્ધિ હેનરી વુડ, જેક રસેલ, સ્ટુઅર્ટ બ્રોડ અને ગુસ એટકિન્સન દ્વારા હાંસલ કરવામાં આવી હતી. હવે, પાંચમા ખેલાડી તરીકે બેથેલનું નામ આ યાદીમાં ઉમેરાયું છે.
ટેસ્ટ મેચમાં ફર્સ્ટ ક્લાસ સદી ફટકારનાર ઇંગ્લેન્ડના બેટ્સમેન
હેનરી વુડ વિરુદ્ધ દક્ષિણ આફ્રિકા, કેપટાઉન, 1892
જેક રસેલ વિરુદ્ધ ઓસ્ટ્રેલિયા, ઓલ્ડ ટ્રેફોર્ડ, 1989
સ્ટુઅર્ટ બ્રોડ વિરુદ્ધ પાકિસ્તાન, લોર્ડ્સ, 2010
ગસ એટકિન્સન વિરુદ્ધ શ્રીલંકા, લોર્ડ્સ, 2024
જેકબ બેથેલ વિરુદ્ધ ઓસ્ટ્રેલિયા, સિડની, 2026
જેકબ બેથેલે 22 વર્ષની ઉંમરે સદી ફટકારી હતી
જેકબ બેથેલ આ મેચમાં ત્રીજા નંબરે બેટિંગ કરવા આવ્યો હતો. જેક ક્રોલી પહેલી ઓવરમાં આઉટ થયા પછી તે મેદાનમાં આવ્યો હતો. તેણે શરૂઆતથી જ સાવધાનીપૂર્વક બેટિંગ કરી હતી. તેની સદી દરમિયાન, બેથેલે સારા બોલનો આદર કર્યો અને ખરાબ બોલ ફટકારીને રન બનાવ્યા. તેણે તેની ઇનિંગ દરમિયાન 12ચોગ્ગા ફટકાર્યા અને અંતે 162બોલમાં તેની સદી પૂર્ણ કરી. બેથેલે આ સદી ૨૨ વર્ષની ઉંમરે ફટકારી હતી.
ઓસ્ટ્રેલિયા પાસે 183 રનની લીડ હતી.
આ મેચની વાત કરીએ તો, ઇંગ્લેન્ડે તેની બીજી ઇનિંગમાં 200 થી વધુ રન બનાવી લીધા છે. બેન ડકેટે બેથેલ સાથે મળીને 42 રન બનાવ્યા હતા, જ્યારે રૂટ માત્ર 6 રન બનાવીને આઉટ થયો હતો. આ પહેલા ઓસ્ટ્રેલિયાએ પોતાની પહેલી ઇનિંગમાં 567 રન બનાવ્યા હતા, જેમાં 183 રનની લીડ મેળવી હતી. અહીંથી ઇંગ્લેન્ડ ઓસ્ટ્રેલિયા માટે કેટલું મોટું લક્ષ્ય રાખી શકે છે તે જોવું રસપ્રદ રહેશે. ઓસ્ટ્રેલિયા હાલમાં શ્રેણીમાં 3-1થી આગળ છે.
આ પણ વાંચો -Ashes 2025-26 Series : સિડની ટેસ્ટમાં બેન ડકેટ સાથે 35 વર્ષ પછી આવું બન્યું,આ યાદીમાં જોડાયો
