ન્યૂઝીલેન્ડે વેસ્ટ ઈન્ડિઝને 3-0થી હરાવીને ત્રણ મેચની વનડે સીરિઝ જીતી લીધી.હેમિલ્ટનમાં રમાયેલી ત્રીજી વનડેમાં વેસ્ટ ઈન્ડિઝ ફક્ત 161 રન જ બનાવી શક્યું.જવાબમાં ન્યૂઝીલેન્ડે 30.3 ઓવરમાં 6 વિકેટ ગુમાવીને લક્ષ્યનો પીછો કર્યો.ત્રીજી વનડેમાં 4 વિકેટ લેનાર મેટ હેનરીને પ્લેયર ઓફ ધ મેચ જાહેર કરવામાં આવ્યો, જ્યારે 7 વિકેટ લેનાર કાયલ જેમિસનને પ્લેયર ઓફ ધ સિરીઝ જાહેર કરવામાં આવ્યો.
કેપ્ટન સેન્ટનરે બે વિકેટ લીધી
વેસ્ટ ઈન્ડિઝે ટોસ જીતીને પહેલા બેટિંગ કરવાનો નિર્ણય લીધો.કેપ્ટન શાઈ હોપનો નિર્ણય સંપૂર્ણ ભૂલ સાબિત થયો.ટીમ 36.2 ઓવરમાં 161 રનમાં ઓલઆઉટ થઈ ગઈ. રોસ્ટન ચેઝે સૌથી વધુ 38 રન બનાવ્યા.જોન કેમ્પબેલે 26,ખારી પિયરે 22, શેરફેન રધરફોર્ડે 19 અને શાઈ હોપે 16 રન બનાવ્યા.ન્યુઝીલેન્ડ માટે, મેટ હેનરીએ 9.2 ઓવરમાં 43 રન આપીને 3 વિકેટ લીધી. હેનરીની ઘાતક બોલિંગના પરિણામે વેસ્ટ ઈન્ડિઝ 161 રનમાં ઓલઆઉટ થઈ ગયું. જેકબ ડફી અને કેપ્ટન સેન્ટનરે બે-બે વિકેટ લીધી.કાયલ જેમીસન અને ઝાચેરી ફોક્સે એક-એક વિકેટ લીધી.
ન્યુઝીલેન્ડની શરૂઆત ખૂબ જ ખરાબ રહી
162 રનના લક્ષ્યાંકનો પીછો કરતા ન્યુઝીલેન્ડની શરૂઆત ખૂબ જ ખરાબ રહી.કિવીઓએ 32 રનમાં તેમના ટોચના ત્રણ બેટ્સમેન ગુમાવ્યા.વિકેટકીપર ટોમ લેથમ પણ 70 રનમાં ચોથી વિકેટ ગુમાવતા પહેલા માત્ર 10 રન બનાવીને આઉટ થયા.70 રનમાં ચાર વિકેટ ગુમાવ્યા બાદ, માર્ક ચેપમેન અને માઈકલ બ્રેસવેલે પાંચમી વિકેટ માટે 75 રનની ભાગીદારી નોંધાવી,અને તેમની ટીમનો વિજય સુનિશ્ચિત કર્યો.ચેપમેને 63 બોલમાં 64રન બનાવ્યા, જેમાં બે છગ્ગા અને આઠ ચોગ્ગાનો સમાવેશ થાય છે. બ્રેસવેલ 31બોલમાં 40 રન બનાવીને અણનમ રહ્યા, જ્યારે ફોક્સ 2 રન બનાવીને અણનમ રહ્યા. સેન્ટનર 9 રન બનાવીને આઉટ થયા. ન્યૂઝીલેન્ડે ૩૦.૩ ઓવરમાં 6 વિકેટ ગુમાવીને 162 રન બનાવ્યા અને 4 વિકેટથી મેચ જીતી લીધી.વેસ્ટ ઈન્ડિઝ તરફથી મેથ્યુ ફોર્ડ અને જેડેન સીલ્સે 2-2 વિકેટ લીધી, જ્યારે શામર સ્પ્રિંગર અને રોસ્ટન ચેઝે 1-1વિકેટ લીધી.
