સર્બિયન ટેનિસ દિગ્ગજ નોવાક જોકોવિચે પોતાના નિવેદનથી ધૂમ મચાવી હતી. નોવાક જોકોવિચે ક્રિકેટ દિગ્ગજ વિરાટ કોહલી પાસેથી શીખવાની વાત કરી હતી. વિમ્બલ્ડને પોતે આ નિવેદન શેર કર્યું હતું, જેમાં તેને વિરાટ કોહલીને ગ્લોબલ સ્ટાર પણ ગણાવ્યો હતો.
વિરાટ કોહલી અને નોવાક જોકોવિચ પોતપોતાની રમતોમાં માસ્ટર છે. બંનેને વિશ્વના મહાન ખેલાડીઓમાં ગણવામાં આવે છે. રસપ્રદ વાત એ છે કે નોવાક જોકોવિચે વિમ્બલ્ડનની આ પોસ્ટ પણ તેની ઈન્સ્ટાગ્રામ સ્ટોરી પર શેર કરી છે. ટેનિસ ખેલાડીએ વિરાટ કોહલી પાસેથી શીખવાની ઈચ્છા પણ વ્યક્ત કરી.
વિમ્બલ્ડન દ્વારા પ્રકાશિત એક નિવેદનમાં નોવાક જોકોવિચે કહ્યું કે "વિરાટ એક ગ્લોબલ સ્ટાર છે, ખાસ કરીને ભારતમાં. હું છેલ્લા 10-15 વર્ષથી રમત વિશે ઘણું શીખી રહ્યો છું. મારે મારી કુશળતા પર કામ કરવાની જરૂર છે, તેથી કદાચ વિરાટ કોહલી મારી સ્વિંગ ટેકનિકમાં મને મદદ કરી શકે. મને તેના માટે ખૂબ માન અને પ્રશંસા છે."
https://twitter.com/mufaddal_vohra/status/2074862365187989834
વિરાટ કોહલી ઘણીવાર નોવાક જોકોવિચ વિશે વાત કરતો જોવા મળે છે. વિરાટ કોહલીએ કહ્યું કે "હું છેલ્લા કેટલાક સમયથી નોવાક જોકોવિચના સંપર્કમાં છું. અમે થોડા મેસેજ કરીએ છીએ. તે સંપર્કમાં રહેવા માટે પૂરતો દયાળુ રહ્યો છે. તે અત્યાર સુધીના મહાન ખેલાડીઓના લિસ્ટમાં છે."
https://www.instagram.com/p/DahNozToIMb/?utm_source=ig_embed&utm_campaign=loading&img_index=1
ભારતીય ટીમ હાલમાં ઈંગ્લેન્ડ સામે 5 મેચની T20 સિરીઝ રમી રહી છે. બંને ટીમો વચ્ચે 3 મેચની ODI સિરીઝ 14 જુલાઈથી શરૂ થઈ રહી છે, અને ફેન્સ કિંગ કોહલીના વાપસીની આશા રાખી રહ્યા છે. IPL 2026 દરમિયાન વિરાટ કોહલીને ઈજા થઈ હતી, જેના કારણે તે અફઘાનિસ્તાન સામેની ODI સિરીઝમાં રમી શક્યો ન હતો. તે જોવું રસપ્રદ રહેશે કે તે ઈંગ્લેન્ડ ODI સિરીઝ માટે ફિટ છે કે નહીં.
આ પણ વાંચો: Abhishek Sharma ઈશાન કિશનના રન આઉટ પર થયો ગુસ્સે, કહ્યું- શું કરી રહ્યો છે યાર...?