મહિલા ક્રિકેટના ઇતિહાસની મહાન ખેલાડીઓમાંથી એક ગણાતી 37 વર્ષીય ટેલરે એન્ડ્રુ ફ્લિન્ટોફના નેતૃત્વમાં ઇંગ્લેન્ડ લાયન્સ (ઇંગ્લેન્ડ A) ટીમ સાથે પણ કામ કર્યું છે. ત્યાં તેના શાનદાર પ્રદર્શનને કારણે તેને સિનિયર ટીમના સપોર્ટ સ્ટાફમાં સ્થાન મળ્યું છે.
સારા ટેલરને ઇંગ્લેન્ડની ફિલ્ડિંગ કોચની જવાબદારી
તમામ ફોર્મેટમાં કુલ 226 મેચ રમનાર ટેલરે સસેક્સની પુરૂષ ટીમની સાથે માન્ચેસ્ટર ઓરિજિનલ્સ સાથે પણ કામ કર્યું છે. તેને ફિલ્ડિંગ કોચ તરીકે ટૂંકા ગાળાના કરારની ઓફર કરવામાં આવી છે. આ પદ પર તે કાર્લ હોપકિન્સનની જગ્યા લેશે જે હાલમાં IPLમાં મુંબઈ ઇન્ડિયન્સ સાથે કામ કરી રહ્યા છે. કીએ બુધવારે પત્રકારો સાથે વાત કરતા કહ્યું, મને લાગે છે કે તે તેના કામમાં માહિર અને શ્રેષ્ઠ લોકોમાંની એક છે. તેનું પ્રદર્શન અસાધારણ રહ્યું છે. તેણે એન્ડ્રુ ફ્લિન્ટોફ અને એડ બર્ની (પર્ફોર્મન્સ ડાયરેક્ટર) સાથે ઘણું કામ કર્યું છે. આ બંને તેની ખૂબ પ્રશંસા કરે છે. તેથી જેવું અમને દેખાઈ રહ્યું છે, તે તેના ક્ષેત્રના શ્રેષ્ઠ લોકોમાંથી એક છે.
તેમણે કહ્યું, તે (ટેલર) જે રીતે પોતાનું કામ કરે છે તેનાથી અમે સંપૂર્ણ અને અવિશ્વસનીય રીતે પ્રભાવિત છીએ. કીએ કહ્યું, કાર્લ હોપકિન્સનની વાત કરીએ તો આજના ક્રિકેટ જગતના ચલણ મુજબ, તે હાલમાં મુંબઈ ઇન્ડિયન્સ સાથે કામ કરી રહ્યા છે. તેમની પાસે મુંબઈ ઇન્ડિયન્સ માટે કરવા માટે ઘણું કામ છે તેથી અમે ભવિષ્યમાં કોઈને કોઈ સમયે તેમની સેવાઓનો ઉપયોગ ચોક્કસ કરીશું, બસ આ સિરીઝ માટે નહીં.
સારા ટેલરે વિકેટકીપિંગમાં રચ્યો નવો ઇતિહાસ
સારા ટેલર મહિલા ક્રિકેટની મહાન ખેલાડીઓમાંથી એક રહી છે. તેણે 2006માં ઇંગ્લેન્ડ માટે ડેબ્યુ કર્યું હતું અને વિકેટ પાછળ તેની ચપળતા અને વીજળી જેવી ઝડપે મહિલા ક્રિકેટમાં વિકેટકીપિંગનું એક નવું જ ધોરણ સેટ કર્યું. તેણે ઇંગ્લેન્ડ માટે 10 ટેસ્ટ મેચ, 126 આંતરરાષ્ટ્રીય વનડે અને 90 ટી20 ઇન્ટરનેશનલ મેચ રમી છે. આંતરરાષ્ટ્રીય ક્રિકેટમાં તમામ ફોર્મેટમાં મળીને તેના નામે 6500 થી વધુ રન છે. તેણે તેની આંતરરાષ્ટ્રીય કારકિર્દીમાં 7 સદી અને 38 અડધી સદી ફટકારી છે.
સારા ટેલરે ઇંગ્લેન્ડને અપાવ્યા અનેક ઐતિહાસિક ખિતાબ
સારા ટેલરે 2009માં ઇંગ્લેન્ડને મહિલા વનડે વર્લ્ડ કપની સાથે ટી-20 વર્લ્ડ કપ જીતાડવામાં પણ મહત્વની ભૂમિકા ભજવી હતી. આ ઉપરાંત તે 2017માં ઇંગ્લેન્ડની વનડે વર્લ્ડ કપ ચેમ્પિયન ટીમનો પણ હિસ્સો રહી હતી. લોર્ડ્સમાં રમાયેલી ફાઈનલ મેચમાં તેણે 45 રનની મહત્વની ઈનિંગ રમી હતી. ફાઈનલમાં ઇંગ્લેન્ડે ભારતીય મહિલા ટીમ પર 9 રને જીત મેળવી હતી. સારા ટેલરને 2014માં ICC દ્વારા વુમન ક્રિકેટર ઓફ ધ યર પસંદ કરવામાં આવી હતી.
આ પણ વાંચો- Trisha Krishnanની એ ફિલ્મ, જે હિન્દીમાં આવતા જ થઈ મહાફ્લોપ, બન્યા હતા 9 રિમેક
