અશિયા કપ 2025ને લઈને મોટી ખબરો સામે આવી છે. હાલમાં, જ એસીસીની મીટિંગ જોવા મળી હતી અને તેમાં એશિયા કપના આયોજનને લઈને વાત થઈ હતી. તેની વચ્ચે ટૂર્નામેન્ટની તારીખની પણ જાણકારી મળી છે. એશિયા કપમાં રમવાવાળી ટીમની જાણકારી પણ સામે આવી છે. ભારત અને પાકિસ્તાનની ટીમનો મુકાબલો પણ જોવા મળી શકે છે.


એશિયા કપ 2025 ને લઈને મોટી માહિતી બહાર આવી

એક રિપોર્ટ મુજબ, એશિયા કપ 2025 8 સપ્ટેમ્બરથી શરૂ થઈ શકે છે અને સ્પર્ધા 28 સપ્ટેમ્બર સુધી ચાલી શકે છે. એ પણ સામે આવ્યું છે કે ભારત, શ્રીલંકા, અફઘાનિસ્તાન, પાકિસ્તાન, યુએઈ, ઓમાન અને હોંગકોંગ ભાગ લેશે. પહેલા એશિયા કપ ભારતમાં યોજાવાનો હતો પરંતુ હવે કહેવામાં આવી રહ્યું છે કે આ ટુર્નામેન્ટ દુબઈ અને અબુ ધાબીમાં રમાશે. આ ફેરફારથી બધાને નવાઈ લાગી હશે.

Also Read

ભારત અને પાકિસ્તાન વચ્ચે થશે મેચ ?

ભારત અને પાકિસ્તાન વચ્ચે તણાવ વધ્યો છે. જ્યારે પણ એશિયા કપ થાય છે, ત્યારે ધ્યાન ભારત વિરુદ્ધ પાકિસ્તાન મેચ પર હોય છે. ઇન્ડિયા ચેમ્પિયન્સે WCLમાં પાકિસ્તાન ચેમ્પિયન્સ સામે રમવાનું નકારી દીધું હતું. તે કારણે, મેચને રદ કરવામાં આવી હતી. આ કારણોસર એશિયા કપ 2025માં ભારત અને પાકિસ્તાન વચ્ચેની મેચ પર પણ સવાલ ઉઠાવવામાં આવી રહ્યા છે. આ મેચ અંગે સોશિયલ મીડિયા પર ફેન્સના અલગ અલગ મંતવ્યો છે. કેટલાક લોકો ઇચ્છે છે કે ભારત કોઈપણ રીતે પાકિસ્તાન સામે ન રમે, જ્યારે કેટલાક આ મેચ ઇચ્છે છે. BCCIનો અંતિમ નિર્ણય શું હશે તે જોવાનું બાકી છે


છેલ્લે ભારત અને પાકિસ્તાન વચ્ચે મેચ ક્યારે રમાઈ હતી?

ભારત અને પાકિસ્તાન વચ્ચે ક્રિકેટના મેદાન પર છેલ્લી મેચ ચેમ્પિયન્સ ટ્રોફી 2025માં જોવા મળી હતી. પહેલા બેટિંગ કરીને પાકિસ્તાને 241 રન બનાવ્યા હતા. ભારતે 4 વિકેટ ગુમાવીને 242 રનના ટારગેટ સફળતાપૂર્વક પીછો કર્યો.


  • Follow us on: