ટીમ ઈન્ડિયાએ આઈસીસી અંડર-19 વર્લ્ડ કપ 2026 માં પોતાના અભિયાનની શરૂઆત શાનદાર રીતે કરી હતી, જેમાં તેમણે યુએસએ સામેની પોતાની પહેલી ગ્રુપ એ મેચ ડીએલએસ દ્વારા ૬ વિકેટથી જીતી હતી. ભારતીય ટીમ હવે બુલાવાયોના ક્વીન્સ સ્પોર્ટ્સ ક્લબ ખાતે બાંગ્લાદેશ અંડર-19ટીમ સામે પોતાની બીજી મેચ રમી રહી છે. બાંગ્લાદેશે ટોસ જીતીને પહેલા બોલિંગ કરવાનો નિર્ણય લીધો છે. ટીમ ઈન્ડિયા ટુર્નામેન્ટમાં સતત બીજી જીત મેળવવા અને સુપર સિક્સમાં સ્થાન મેળવવાનો પ્રયાસ કરશે. દરમિયાન, આ બાંગ્લાદેશ અંડર-૧૯ ટીમની ટુર્નામેન્ટની પહેલી મેચ હશે, તેથી ટીમ ઈન્ડિયા તેમને હળવાશથી લેવાની ભૂલ કરશે નહીં.
વૈભવ સૂર્યવંશી પાસે મોટી તક
વૈભવ સૂર્યવંશી છેલ્લા એક વર્ષમાં વિશ્વ ક્રિકેટમાં ખૂબ ચર્ચાનો વિષય રહ્યો છે. તેની પાછળનું સૌથી મોટું કારણ તેની નિર્ભય બેટિંગ છે, જેણે તેને ઘણા નવા રેકોર્ડ બનાવવામાં મદદ કરી છે. દરમિયાન, વૈભવ પાસે હવે બાંગ્લાદેશ સામેની મેચમાં બેટથી મોટી સિદ્ધિ હાંસલ કરવાની તક છે. વૈભવે અત્યાર સુધીમાં યુવા વનડેમાં 19 ઇનિંગ્સમાં 975 રન બનાવ્યા છે, જેની સરેરાશ 50 થી વધુ છે. યુવા વનડેમાં વિરાટ કોહલીના રનના રેકોર્ડને તોડવા માટે તેને વધુ ચાર રનની જરૂર છે. કોહલીએ યુવા વનડેમાં 25 ઇનિંગ્સમાં 978 રન બનાવ્યા છે. જો વૈભવ આ મેચમાં 25 વધુ રન બનાવે છે, તો તે યુવા વનડેમાં સૌથી ઓછી ઇનિંગ્સમાં 1,000 રન બનાવનાર ત્રીજો ભારતીય ખેલાડી બનશે.
