અંડર-19 વર્લ્ડકપમાં ભારતીય ટીમે પોતાનો વિજય રથ ચાલું રાખ્યો છે. ગ્રુપ સ્ટેજની મેચ બાદ ટીમ ઈન્ડિયાએ સુપર-6માં પોતાની તમામ મેચ જીતી છે. ઝિમ્બાબ્વેને હાર આપ્યા બાદ પાકિસ્તાન વિરુદ્ધ 58 રનથી જીત મેળવી છે. ટીમ ઈન્ડિયાએ અંડર-19 વર્લ્ડકપમાં સતત છઠ્ઠી વખત સેમિફાઈનલમાં સ્થાન બનાવ્યું છે.સુપર-6માં પાકિસ્તાન વિરુદ્ધ ટોસ હાર્યા બાદ ભારતીય ટીમે પહેલા બેટિંગ કરી હતી. ભારતના વેદાંત ત્રિવેદીની શાનદાર 68 રનની બેટિંગે 20 ઓરમાં 252 રન બનાવ્યા હતા. પાકિસ્તાનને સેમિફાઈનલમાં પહોંચવા માટે 33.3 ઓવરમાં આ ટાર્ગેટ પૂર્ણ કરવાનો હતો પરતુ પાકિસ્તાનની આખી ટીમ 194 રનમાં સમેટાય ગઈ હતી.
ભારતીય ટીમ પોઈન્ટ ટેબલમાં ટોચ પર
ભારતે જીતની સાથે ગ્રુપ-2ના પોઈન્ટ ટેબલમાં ટોપ પોઝિશન પર કબ્જો કર્યો છે.ભારતે 4 મેચમાં 8 પોઈન્ટ મેળવ્યા છે. આ દરમિયાન તેનો રન રેટ +2.585નો રહ્યો હતો. જે ઈંગ્લેન્ડથી વધારે છે. ઈંગ્લેન્ડની ટીમ પોઈન્ટ ટેબલમાં 8 પોઈન્ટ સાથે બીજા નંબર પર છે.ગ્રુપ એમાં ઓસ્ટ્રેલિયાની ટીમ 8 પોઈન્ટ સાથે પહેલા નંબર પર જ્યારે અફઘાનિસ્તાનની ટીમ 6 પોઈન્ટ સાથે બીજા નંબર પર છે.
