આ મેચ દરમિયાન સ્ટાર બેટ્સમેન વિરાટ કોહલીએ શાનદાર પ્રદર્શન કરતા સદી ફટકાફરી હતી. જોકે આ મેચની રસપ્રદ વાત એ છે કે જ્યારે કોહલીએ સાઉથ આફ્રિકાના ખેલાડી બાવુમાને ક્રીઝ પર જોયો ત્યારે એક જોરદાર કોમેડી એક્શન કરી હતી.
બાવુમાને જોઈને નાચવા લાગ્યો કોહલી
ભારત અને દક્ષિણ આફ્રિકા વચ્ચે ચાલી રહેલી ત્રણ મેચની ODI શ્રેણીની બીજી મેચ બુધવારે રાયપુરમાં રમાઈ હતી. જોકે આ મેચમાં ભારતીય ટીમને હારનો સામનો કરવો પડ્યો હતો. આ મેચમાં સ્ટાર બેટ્સમેન વિરાટ કોહલી સંપૂર્ણ ફોર્મમાં દેખાયો હતો. તેણે ટીમ માટે પહેલા બેટિંગ કરતી વખતે 102 રનની સદી ફટકારી હતી. ત્યારબાદ તેણે ફિલ્ડિંગ કરતી વખતે ખૂબ જ ઉત્સાહ દર્શાવ્યો હતો. પોતાની લાક્ષણિક શૈલીમાં, તેણે વિરોધી ટીમ પર જોરદાર કોમેડી એક્શન કરીને દબાણ બનાવ્યું હતું.
