FIFA વર્લ્ડકપ 2026માં જ્યાં 64 ટીમો કપ જીતવા માટે સ્પર્ધા કરી હતી, ત્યાં ફક્ત 8 ટીમો બાકી છે, અને 56 ટીમોની સફર સમાપ્ત થઈ ગઈ છે. વર્લ્ડકપનો ક્વાર્ટર-ફાઈનલ તબક્કો 10 જુલાઈથી શરૂ થશે.
ફેન્સ પણ ગોલ્ડન બૂટ કોણ જીતશે તે જોવા માટે ઉત્સુક છે. હાલમાં ડિફેન્ડિંગ ચેમ્પિયન આર્જેન્ટિનાના કેપ્ટન લિયોનેલ મેસ્સી રેસમાં આગળ છે, પરંતુ તેમને કાયલિયન એમબાપ્પે અને એર્લિંગ હાલેન્ડ તરફથી સખત સ્પર્ધાનો સામનો કરવો પડી રહ્યો છે. ગોલ્ડન બૂટ સૌથી વધુ ગોલ કરનાર ખેલાડીને આપવામાં આવે છે, જ્યારે બીજા અને ત્રીજા સ્થાને રહેલા ખેલાડીઓને સિલ્વર અને બ્રોન્ઝ બૂટ મળે છે.
મેસ્સીએ અત્યાર સુધીમાં 8 ગોલ કર્યા
આર્જેન્ટિનાએ રાઉન્ડ ઓફ 16 માં શાનદાર પ્રદર્શન કર્યું છે , જેમાં ઈજિપ્ત સામેની તેમની પાછલી મેચમાં 2-0થી પાછળ રહીને અંતિમ ક્ષણોમાં શાનદાર વાપસી કરી 3-2 થી જીત મેળવી અને ક્વાર્ટર ફાઈનલમાં સ્થાન મેળવ્યું. લિયોનેલ મેસ્સીનો ગોલ, તેનો ત્રીજો ગોલ, આર્જેન્ટિનાની જીતમાં મહત્વપૂર્ણ સાબિત થયો.
આ સાથે તેને ટુર્નામેન્ટના ગોલ્ડન બૂટ માટેની રેસમાં ફરીથી લીડ મેળવી લીધી છે. મેસ્સીએ અત્યાર સુધીમાં 8 ગોલ કર્યા છે, ત્યારબાદ કાયલિયન એમબાપ્પે 7 ગોલ અને 2 આસિસ્ટ સાથે બીજા નંબરે છે. નોર્વેનો એર્લિંગ હાલેન્ડ ત્રીજા નંબરે છે, બંનેએ 7-7 ગોલ કર્યા છે. ક્વાર્ટર ફાઈનલમાં જ્યારે ત્રણેય ખેલાડીઓ તેમની ટીમોને સેમીફાઈનલમાં પહોંચવામાં મદદ કરવા પર ધ્યાન કેન્દ્રિત કરશે, ત્યારે તેઓ ગોલ કરવા અને રેસમાં રહેવા માટે પણ પ્રયત્નશીલ રહેશે.
મેસ્સી હજુ સુધી ગોલ્ડન બૂટ જીતી શક્યો નથી
ફૂટબોલની દુનિયાના મહાન ખેલાડીઓમાંના એક ગણાતા લિયોનેલ મેસ્સીએ હજુ સુધી ગોલ્ડન બૂટ જીત્યો નથી. 2022 માં થયેલા છેલ્લા વર્લ્ડકપમાં મેસ્સીએ 7 ગોલ કર્યા હતા અને બીજા સ્થાને રહ્યા હતા. આ દરમિયાન કાયલિયન એમબાપ્પે 8 ગોલ સાથે ગોલ્ડન બૂટ જીત્યો હતો. તેથી આ વર્ષે લિયોનેલ મેસ્સી પાસે આ એવોર્ડ જીતવાની સારી તક છે.
આ પણ વાંચો: Abhishek Sharma ઈશાન કિશનના રન આઉટ પર થયો ગુસ્સે, કહ્યું- શું કરી રહ્યો છે યાર...?
