ભારતીય મહિલા હોકી ટીમે હોકી વર્લ્ડકપ 2026 માં પોતાની બીજી પૂલ D મેચમાં સાઉથ આફ્રિકા સામે રમી, જેમાં તેને 6-1 ના મોટા અંતરથી જીત મેળવી. ટીમ ઈન્ડિયાએ પોતાની પહેલી પૂલ D મેચ ચીન સામે રમી હતી, જે 2-2 થી ડ્રો રહી હતી .
આ મેચ તેમના માટે મહત્વપૂર્ણ બની ગઈ, અને ટીમે તેને મોટા અંતરથી જીતી લીધી. આ જીત સાથે, ટીમ ઈન્ડિયા હવે 4 પોઈન્ટ સાથે પૂલ Dમાં પ્રથમ સ્થાને પહોંચી ગઈ છે. ટીમ ઈન્ડિયાએ મેચના ચારેય ક્વાર્ટરમાં પ્રભુત્વ મેળવ્યું.
ભારતીય ટીમે પહેલા ક્વાર્ટરથી જ સાઉથ આફ્રિકાની મહિલા હોકી ટીમ સામેની મેચમાં પ્રભુત્વ જમાવ્યું હતું, જેમાં સુનેલિતા ટોપોએ 10મી મિનિટે ટીમ ઈન્ડિયા માટે ગોલ કરીને શરૂઆત કરી હતી. આ પછી પ્રથમ ક્વાર્ટરના અંતે, ભારતીય ટીમે 1-0ની લીડ જાળવી રાખી હતી.
બીજા ક્વાર્ટરની શરૂઆત સાથે ભારતે 16મી મિનિટે બીજો ગોલ કર્યો, જે નવનીત કૌરે કર્યો હતો. આ પછી સુશીલા ચાનુએ 24મી મિનિટે ગોલ કરીને મેચના બીજા ક્વાર્ટરના અંતે ભારતીય મહિલા ટીમની લીડ 3-0 કરી દીધી હતી.
ભારતીય મહિલા ટીમે પહેલા બે ક્વાર્ટરમાં 3-0 ની લીડ લીધી હતી, તેણે ત્રીજા ક્વાર્ટરમાં શાનદાર પ્રદર્શન કર્યું જેમાં તેમણે કુલ 3 ગોલ કર્યા અને 6-0 ની લીડ મેળવી. આ ક્વાર્ટરમાં દીપિકાએ 37મી મિનિટે ગોલ કર્યો અને લાલરેમસિયામીએ 43મી મિનિટે ગોલ કર્યો અને આ ક્વાર્ટરમાં ત્રીજો ગોલ સાક્ષી રાણાએ રમતની 44મી મિનિટે કર્યો, જેનાથી ભારતીય મહિલા ટીમનો વિજય નિશ્ચિત થયો. આ મેચના ચોથા અને છેલ્લા ક્વાર્ટરમાં સાઉથ આફ્રિકાની મહિલા ટીમ તરફથી કાયલા ડી વાલે 54મી મિનિટે ગોલ કર્યો પરંતુ તે પોતાની ટીમને 6-1 થી હારથી બચાવી શકી નહીં.
આ મેચ 6-1 ના મોટા અંતરથી જીતીને, ભારતીય મહિલા ટીમે પૂલ D માં પોઈન્ટ ટેબલમાં 4 પોઈન્ટ સાથે પ્રથમ સ્થાન મેળવ્યું છે. ચીનની ટીમના પણ 4 પોઈન્ટ છે પરંતુ તે બીજા સ્થાને છે, જેમાં ભારત અને ચીન વચ્ચેના ગોલ તફાવતને કારણે ટીમ ઈન્ડિયા પ્રથમ સ્થાને છે. હવે ભારતીય મહિલા ટીમ આ પૂલમાં તેની છેલ્લી મેચ 20 ઓગસ્ટે ઈંગ્લેન્ડની મહિલા ટીમ સામે રમવાની છે, જે ભારતીય સમય મુજબ સાંજે 6:30 વાગ્યે શરૂ થશે.
આ પણ વાંચો: 25 સિક્સ, 15 ચોગ્ગા અને 233 રન... અભિષેક શર્માએ મચાવી ધૂમ, બોલર્સ થયા હેરાન