IND Vs PAK ફક્ત 4 દિવસમાં બીજી હાઈ-વોલ્ટેજ મેચ, ક્યારે, ક્યાં અને કેવી રીતે જોવું લાઈવ?

જ્યારે પણ મેદાન પર ભારત અને પાકિસ્તાન વચ્ચે મેચ હોય છે, ત્યારે ફેન્સનો ઉત્સાહ બમણો થઈ જાય છે. FIH પ્રો લીગ 2025-26માં 23 જૂને ભારત અને પાકિસ્તાન વચ્ચે એક હાઈ-વોલ્ટેજ હોકી મેચ રમાઈ હતી.

ટીમ ઈન્ડિયાએ આ મેચ જીતી હતી. હવે બંને ટીમો વચ્ચે ફરી એકવાર મેચ યોજાવા જઈ રહી છે. તમને જણાવી દઈએ કે આ બીજી વખત છે જ્યારે IND Vs PAK મેચ ફક્ત 4 દિવસમાં સુનિશ્ચિત કરવામાં આવી છે. ભારતીય ટીમ બીજી જીત સાથે પોઈન્ટ ટેબલમાં પોતાનું સ્થાન સુધારવાનો પ્રયાસ કરશે.

FIH પ્રો લીગમાં ભારતે પાકિસ્તાનને હરાવ્યું

23 જૂન, 2026 ના રોજ, ભારત અને પાકિસ્તાન વચ્ચે એક રોમાંચક FIH પ્રો લીગ મેચ રમાઈ. પાકિસ્તાને શરૂઆતની મિનિટોમાં જ લીડ મેળવી હતી, પરંતુ ભારતે 4-1ની લીડ મેળવવા માટે વળતો પ્રહાર કર્યો. પાકિસ્તાને વાપસી કરવાનો પ્રયાસ કર્યો પણ નિષ્ફળ ગયું. ભારતે મેચ 4-3થી જીતી લીધી.

ભારત-પાકિસ્તાનની ટીમ ફરી ટકરાશે

FIH પ્રો લીગના બીજા તબક્કામાં ભારત અને પાકિસ્તાન ફરી લંડનમાં ટકરાશે. બંને ટીમો 26 જૂને એકબીજા સામે ટકરાશે. હરમનપ્રીત અને તેની ટીમ પાકિસ્તાન સામે પોતાનો વિજય ક્રમ જાળવી રાખવાનો પ્રયાસ કરશે. તમને જણાવી દઈએ કે ભારતીય ટીમ 26 જૂને FIH પ્રો લીગમાં ઈંગ્લેન્ડ સામે પણ રમશે. 28 જૂને તેઓ ઈંગ્લેન્ડનો પણ સામનો કરશે. બંને ટીમો લી વેલી હોકી અને ટેનિસ સેન્ટર ખાતે એકબીજા સામે ટકરાશે.

IND vs PAK મેચ ક્યારે અને ક્યાં જોઈ શકશો?

ભારત અને પાકિસ્તાન વચ્ચેની હાઈ-વોલ્ટેજ હોકી મેચ 26 જૂનના રોજ બ્રિટિશ સ્ટાન્ડર્ડ સમય મુજબ સાંજે 6:00 વાગ્યે શરૂ થશે. આ મેચ ભારતીય સમય મુજબ રાત્રે 10:30 વાગ્યે શરૂ થશે. ફેન્સ સ્ટાર સ્પોર્ટ્સ સિલેક્ટ 2 અને સ્ટાર સ્પોર્ટ્સ સિલેક્ટ 2 HD ચેનલો પર મેચ લાઈવ જોઈ શકશે.

આ પણ વાંચો: Virat Kohli ક્રિકેટથી દૂર, પરિવાર સાથે ક્વોલિટી ટાઈમ... સ્ટાર ખેલાડી પુત્ર અકાયને પીઠ પર લઈને જતો મળ્યા જોવા