લંડનમાં રમાયેલી FIH પ્રો લીગ 2026ની રોમાંચક મેચમાં ભારતીય હોકી ટીમે પાકિસ્તાનને 4-3 થી હરાવ્યું. મેચની શરૂઆતમાં પાકિસ્તાન આગળ હતું, પરંતુ ભારતે જોરદાર વાપસી કરી.
ભારત માટે અભિષેક, નીલકાંત શર્મા, સુખજીત સિંહ અને રાજિન્દરએ શાનદાર ગોલ કરીને ટીમને 4-1 ની મજબૂત લીડ અપાવી. પાકિસ્તાને અંતિમ ક્ષણોમાં સતત 2 ગોલ કરીને મેચને ખૂબ જ રોમાંચક બનાવી, જેનાથી સ્કોર 4-3 પર પહોંચી ગયો.
પરંતુ ભારતીય ખેલાડીઓએ અંતિમ મિનિટોમાં દબાણને સારી રીતે સંભાળ્યું અને તેમના શાનદાર બચાવને કારણે, પાકિસ્તાનને બરાબરી કરવાની કોઈ તક આપી નહીં. આ શાનદાર જીત સાથે ભારતે પાકિસ્તાન પર પોતાનું વર્ચસ્વ જાળવી રાખ્યું.
પહેલા ક્વાર્ટરમાં પાકિસ્તાન પાસે લીડ હતી
પ્રથમ ક્વાર્ટરની અંતિમ મિનિટોમાં ભારતીય ટીમે વાપસી કરવાનો પ્રયાસ કર્યો. ભારતને અનેક પેનલ્ટી કોર્નર મળ્યા, પરંતુ પાકિસ્તાનના મજબૂત ડિફેન્સે બધા પ્રયાસોને નિષ્ફળ બનાવ્યા. આ સમયગાળા દરમિયાન કેપ્ટન હરમનપ્રીત સિંહના શક્તિશાળી શોટને રોકતી વખતે પાકિસ્તાની ખેલાડી અબ્દુલ મન્નાન ઘાયલ થયો. તમામ પ્રયાસો છતાં ભારતીય ટીમ પ્રથમ ક્વાર્ટરમાં 1 પણ ગોલ કરવામાં નિષ્ફળ રહી, અને પ્રથમ ક્વાર્ટરના અંતે પાકિસ્તાન 1-0થી આગળ હતું.
બીજા અને ત્રીજા ક્વાર્ટરમાં પણ ટીમ ઈન્ડિયાનું વર્ચસ્વ રહ્યું
ત્યારબાદ ભારતીય ટીમે બીજા ક્વાર્ટરમાં શાનદાર વાપસી કરી. અભિષેકે પ્રથમ ગોલ કરીને સ્કોર બરાબર કર્યો, અને ત્યારબાદ નીલકંઠ શર્માએ પોતાના ઈન્ટરનેશનલ કરિયરનો 19મો શાનદાર ગોલ કરીને ભારતને મેચમાં પહેલી વાર લીડ અપાવી.
આ 2 ગોલના કારણે ભારતે હાફ ટાઈમ સુધીમાં પાકિસ્તાન પર 2-1ની ખૂબ જ જરૂરી લીડ મેળવી લીધી અને મેચ પર પોતાની પકડ મજબૂત કરી. ત્રીજા ક્વાર્ટરમાં પણ ભારત મેદાન પર પ્રભુત્વ ધરાવતું જોવા મળ્યું. ભારતે પોતાનું વર્ચસ્વ જાળવી રાખ્યું અને પાકિસ્તાન પર દબાણ વધાર્યું. આ વખતે સુખજીત સિંહે શાનદાર પ્રદર્શન કર્યું અને મેચનો ત્રીજો ગોલ કરીને ભારતની લીડમાં વધુ વધારો કર્યો.
છેલ્લા ક્વાર્ટરમાં પાકિસ્તાને વાપસી કરી
ચોથા અને અંતિમ ક્વાર્ટરમાં ભારતને બીજો પેનલ્ટી કોર્નર મળ્યો. ભારતીય ટીમે પોતાની રણનીતિ બદલી, એક શાનદાર ગોલ કરીને પાકિસ્તાન પર 4-1ની નોંધપાત્ર લીડ મેળવી. એવું લાગતું હતું કે ભારત સરળતાથી મેચ જીતી જશે. પરંતુ મેચની અંતિમ મિનિટોમાં પાકિસ્તાને અચાનક વળતો હુમલો કર્યો, સતત 2 ગોલ કરીને ભારતીય ડિફેન્સને સ્તબ્ધ કરી દીધું.
મેચ સમાપ્ત થાય તે પહેલાં સ્કોર 4-3 થઈ ગયો, જેનાથી મેદાન પર ઉત્સાહ અને તણાવ બંનેમાં વધારો થયો. આ ભારે દબાણ છતાં ભારતીય ટીમે પોતાનું સ્થાન જાળવી રાખ્યું અને પોતાની લીડ જાળવી રાખી. આમ ભારતે આ રોમાંચક મેચ 4-3થી જીતી અને 3 પોઈન્ટ મેળવ્યા.
આ પણ વાંચો: Virat Kohli ક્રિકેટથી દૂર, પરિવાર સાથે ક્વોલિટી ટાઈમ... સ્ટાર ખેલાડી પુત્ર અકાયને પીઠ પર લઈને જતો મળ્યા જોવા
