ભારત અને શ્રીલંકાની મહિલા ક્રિકેટ ટીમો વચ્ચે T20 શ્રેણીનો ત્રીજો મુકાબલો આજે (26 ડિસેમ્બર) તિરુવનંતપુરમના ગ્રીનફિલ્ડ ઇન્ટરનેશનલ સ્ટેડિયમ ખાતે રમાયો. આ મેચમાં ભારતે શ્રીલંકાને 8 વિકેટથી હરાવ્યું, જેનાથી પાંચ મેચની T20 શ્રેણીમાં 3-0ની લીડ મેળવી. શ્રીલંકાએ ભારતને જીતવા માટે 113 રનનો લક્ષ્યાંક આપ્યો હતો, જે ભારતે માત્ર 13.2 ઓવરમાં જ મેળવી લીધો.
ભારતે શ્રેણી જીતી લીધી
હરમનપ્રીત કૌરની આગેવાની હેઠળની ભારતીય ટીમે શ્રેણીની પહેલી મેચમાં શ્રીલંકાને 8 વિકેટથી હરાવ્યું. ત્યારબાદ બીજી મેચ 7 વિકેટથી જીતી લીધી. હવે, ભારતે શ્રેણી જીતી લીધી છે.
શેફાલી વર્માએ 42 બોલમાં અણનમ 79 રન બનાવ્યા
ભારતીય ટીમ માટે પીછો કરતા ઓપનર શેફાલી વર્માએ 42 બોલમાં અણનમ 79 રન બનાવ્યા, જેમાં 11 ચોગ્ગા અને ત્રણ છગ્ગાનો સમાવેશ થાય છે.
શ્રીલંકાએ સાત વિકેટે 112 રન બનાવ્યા
ટોસ હારીને પ્રથમ બેટિંગ કર્યા બાદ, શ્રીલંકાએ સાત વિકેટે 112 રન બનાવ્યા. ઇમેશા દુલાનીએ 32 બોલમાં 27 રન બનાવ્યા, જેમાં ચાર ચોગ્ગાનો સમાવેશ થાય છે. હસિની પરેરા (૨૫ રન), કવિશા દિલહારી (૨૦ રન), અને વિકેટકીપર-બેટ્સમેન કૌશાની નુથ્યાંગના (૧૯ રન અણનમ) પણ બે આંકડામાં પહોંચી ગયા. ભારત તરફથી ફાસ્ટ બોલર રેણુકા સિંહ ઠાકુરે ચાર વિકેટ લીધી, જ્યારે સ્પિનર દીપ્તિ શર્માએ ત્રણ વિકેટ લીધી.
આ પણ વાંચો----- Sports : 2026ની પહેલી સિરીઝ માટે વનડે ટીમ ક્યારે જાહેર થશે? સામે આવી તારીખ
