ડિસેમ્બરમાં યોજાનારી ઇન્ડિયન પ્રીમિયર લીગ (IPL) ની 19મી ઓક્શન પહેલા આજે તમામ 10 ટીમો દ્વારા તેમની સત્તાવાર રીટેન્શન યાદી જાહેર કરવામાં આવી છે.આ યાદી સ્પષ્ટ કરે છે કે કઈ ટીમે કયા ખેલાડીઓને રિલીઝ કર્યા છે અને કોને જાળવી રાખ્યા છે.આન્દ્રે રસેલ, લિયામ લિવિંગસ્ટોન અને મથીષા પથિરાના જેવા મોંઘા ખેલાડીઓને રિલીઝ કર્યા બાદ, કોલકાતા નાઈટ રાઈડર્સ (KKR) પાસે હરાજી માટે સૌથી વધુ ₹64.3 કરોડનું પર્સ બેલેન્સ છે. તેનાથી વિપરીત, મુંબઈ ઈન્ડિયન્સ (MI) પાસે સૌથી ઓછું પર્સ છે,જેણે 17 ખેલાડીઓને રિટેન કર્યા બાદ માત્ર ₹2.75 કરોડ જ બચ્યા છે.IPL 2026 ની હરાજી પહેલાનું ચિત્ર સ્પષ્ટ થઈ ગયું છે.ચેન્નાઈ સુપર કિંગ્સે (CSK)એ 9 ખેલાડીઓને રિલીઝ કર્યા છે, જ્યારે રાજસ્થાન રોયલ્સે 8 ખેલાડીઓને મુક્ત કર્યા છે.આ ફેરફારો બાદ,અહીં તમામ 10 ટીમોના બાકી રહેલા પર્સ બેલેન્સની સંપૂર્ણ યાદી છે,જે દર્શાવે છે કે કઈ ટીમ હરાજીમાં કેટલા પૈસા ખર્ચી શકશે?
IPL 2026 તમામ 10 ટીમોનું બાકી પર્સ બેલેન્સ
- કોલકાતા નાઈટ રાઈડર્સ (KKR) :રૂ64.3 કરોડ
- ચેન્નાઈ સુપર કિંગ્સ (CSK); રૂ43.4 કરોડ
- સનરાઇઝર્સ હૈદરાબાદ (SRH) ;રૂ25.5 કરોડ
- લખનૌ સુપર જાયન્ટ્સ (LSG): રૂ22.95 કરોડ
- દિલ્હી કેપિટલ્સ (DC) :રૂ21.8 કરોડ
- રોયલ ચેલેન્જર્સ બેંગ્લોર (RCB): રૂ16.4 કરોડ
- રાજસ્થાન રોયલ્સ (RR):રૂ16.05 કરોડ
- ગુજરાત ટાઇટન્સ (GT):રૂ12.9 કરોડ
- પંજાબ કિંગ્સ (PBKS):રૂ11.5 કરોડ
- મુંબઈ ઇન્ડિયન્સ (MI):રૂ2.75 કરોડ
તમામ ટીમોએ રિટેન્શન યાદીઓ જાહેર કરી
આ આંકડા દર્શાવે છે કે KKR અને CSK જેવી ટીમો ઓક્શનમાં મોટા ખેલાડીઓ પર બોલી લગાવવા માટે મજબૂત સ્થિતિમાં છે, જ્યારે મુંબઈ ઈન્ડિયન્સ,પંજાબ કિંગ્સ અને ગુજરાત ટાઇટન્સ ને તેમની ટીમના બાકી રહેલા સ્થાનો ભરવા માટે ખૂબ જ સાવચેતીપૂર્વક ખરીદી કરવી પડશે.નોંધનીય છે કે, IPL 2026 માટેની હરાજી પહેલાં તમામ દસ ટીમોએ તેમની રિટેન્શન યાદીઓ જાહેર કરી દીધી છે. ચેન્નાઈ સુપર કિંગ્સ (CSK) એ નવ અને રાજસ્થાન રોયલ્સે આઠ ખેલાડીઓને રિલીઝ કર્યા છે. આ વર્ષે રિલીઝ થયેલા મોટા નામોમાં મથિશા પથિરાના, લિયામ લિવિંગસ્ટોન, આન્દ્રે રસેલ અને ગ્લેન મેક્સવેલનો સમાવેશ થાય છે. ટીમોએ તેમના કોર પ્લેયર્સને જાળવી રાખીને યુવા ખેલાડીઓને તક આપી છે.અહીં IPL 2026 માટે તમામ 10 ટીમો દ્વારા જાળવી રાખવામાં આવેલા ખેલાડીઓની સંપૂર્ણ યાદી રજૂ આવી છે .
