હોમ ગ્રાઉન્ડ હોવાથી કોહલી અને ફિલ સોલ્ટની વિસ્ફોટક ઓપનિંગ જોડી ઇનિંગની શરૂઆત કરશે. આ જોડી હાલમાં ફોર્મમાં છે અને પાવરપ્લેનો પૂરો ફાયદો ઉઠાવશે.
RCBની ટીમ નવા અવતારમાં
કેપ્ટન રજત પાટીદાર અને મધ્યમ ક્રમની મજબૂતી RCB ની ટીમ આ વખતે નવા અવતારમાં જોવા મળી રહી છે, જ્યાં રજત પાટીદાર ટીમનું નેતૃત્વ કરી રહ્યા છે. પાટીદાર પોતે મધ્ય ઓવરોમાં વિસ્ફોટક બેટિંગ માટે જાણીતા છે, અને ટીમ પાસે અંતિમ ઓવરોમાં રન રેટ વધારવા માટે ટિમ ડેવિડ જેવા મજબૂત ફિનિશર્સની સેના છે. આ ઉપરાંત, ટીમમાં રોમારિયો શેફર્ડ અને કૃણાલ પંડ્યા જેવા ઓલરાઉન્ડરો હોવાથી બેટિંગ લાઇનઅપમાં ઘણી ઊંડાઈ જોવા મળે છે, જે કોઈપણ સ્કોરનો પીછો કરવા સક્ષમ છે.
ટીમનો આત્મવિશ્વાસ થોડો ડગમગ્યો
ગુજરાત ટાઇટન્સ માટે કપરા ચઢાણ બીજી તરફ, શુભમન ગિલની આગેવાની હેઠળની ગુજરાત ટાઇટન્સ અત્યારે મુશ્કેલ સમયમાંથી પસાર થઈ રહી છે. ગત મેચમાં મુંબઈ ઇન્ડિયન્સ સામે 99 રનની કારમી હાર બાદ ટીમનો આત્મવિશ્વાસ થોડો ડગમગ્યો છે અને નેટ રન રેટ પર પણ નકારાત્મક અસર પડી છે. જોસ બટલર અને શુભમન ગિલ પર ઇનિંગ બનાવવાની મોટી જવાબદારી રહેશે, કારણ કે સાઈ સુદર્શનનું ફોર્મ ચિંતાનો વિષય છે. ગુજરાતના બેટ્સમેનોએ RCB ના જોશ હેઝલવુડ અને ભુવનેશ્વર કુમારના સ્ટીક સ્પેલનો સામનો કરવો પડશે.
RCBની જીતવાની શક્યતા
કોણ જીતશે આજની મેચ? આંકડા શું કહે છે? વર્તમાન ફોર્મ અને હોમ કન્ડિશનને જોતા આજની મેચમાં RCB નો હાથ ઉપર જણાય છે. આંકડાકીય રીતે જોઈએ તો RCB ની જીતવાની શક્યતા 60% છે, જ્યારે ગુજરાતની 40% છે. જોકે, ક્રિકેટમાં અનિશ્ચિતતાઓ રહેલી છે; જો રાશિદ ખાનની સ્પિન જાદુ ચલાવે અથવા શુભમન ગિલ મોટી ઇનિંગ રમે, તો ગુજરાત પણ ઉલટફેર કરી શકે છે. છતાં, અત્યારની સ્થિતિએ બેંગલુરુ પોતાના ગઢમાં વધુ શક્તિશાળી દેખાઈ રહ્યું છે.
આ પણ વાંચો: IPL 2026: ગન છોડી બોલ પકડ્યો, ગુનાની દુનિયા છોડી વાનખેડેમાં ચમક્યો આ સિતારો!
