કોલકાતા નાઈટ રાઈડર્સે આખરે IPL 2026 સીઝનમાં પોતાની પહેલી જીત મેળવી. વરુણ ચક્રવર્તીની ઘાતક બોલિંગ અને રિંકુ સિંહની શાનદાર અડધી સદીની મદદથી કોલકાતાએ રાજસ્થાન રોયલ્સને ચાર વિકેટથી હરાવ્યું. સાત મેચમાં પાંચ હાર બાદ અજિંક્ય રહાણેની ટીમે આખરે પોતાનો વિજયક્રમ ખોલ્યો.
વૈભવઅને જયસ્વાલની શાનદાર બેટિંગ
વૈભવ સૂર્યવંશી અને યશસ્વી જયસ્વાલે ફરી એકવાર રાજસ્થાન રોયલ્સ માટે મજબૂત શરૂઆત આપી, જેમાં 81 રનની શાનદાર ભાગીદારી થઈ. જોકે, આ ભાગીદારી અન્ય મેચો જેટલી વિસ્ફોટક નહોતી, કારણ કે વૈભવની સાવચેતીભરી બેટિંગને કારણે તેણે 28 બોલમાં 46 રન બનાવ્યા હતા. જોકે, વરુણ ચક્રવર્તીએ વૈભવને આઉટ કરીને આ ભાગીદારી તોડી નાખી અને કોલકાતાએ વાપસી કરી.
વરુણની શાનદાર બોલિંગ
ખરાબ ફોર્મને કારણે ટીમમાંથી બહાર કરાયેલા સ્પિનર વરુણે શાનદાર બોલિંગ કરી, ચાર ઓવરમાં માત્ર 14 રન આપીને રાજસ્થાનના ટોચના ચાર ખેલાડીઓની ત્રણ વિકેટ લીધી. કાર્તિક ત્યાગી અને સુનીલ નારાયણે પણ રાજસ્થાનને માત્ર 155 રન પર રોકી રાખવામાં મુખ્ય ભૂમિકા ભજવી, અત્યંત કડક બોલિંગ કરી.
વૈભવ વરુણની જાળમાં ફસાઈ ગયો
વૈભવ સૂર્યવંશીની વિકેટ કોઈ ફિલ્મી દ્રશ્યથી ઓછી ન હતી. વરુણ ચક્રવર્તીએ શાનદાર હાઈટ સાથે ફુલ-લેન્થ બોલ ફેંક્યો, જેને 15 વર્ષના બેટ્સમેને લેગ સાઈડ પર મોટો શોટ રમવાનો પ્રયાસ કર્યો. પરંતુ બોલની હાઈટ તેને સંપૂર્ણપણે હેરાન કરી ગઈ. બોલ હવામાં ઊંચો ગયો, અને ડીપ મિડવિકેટ પર ઊભેલા રમનદીપ સિંહે એક શાનદાર રનિંગ કેચ પકડ્યો. વરુણ ચક્રવર્તી ત્યાં જ અટક્યો નહીં. તેને તેના 4 ઓવરના સ્પેલમાં માત્ર 14 રન આપીને 3 વિકેટ લીધી, જેમાં રિયાન પરાગ અને યશસ્વી જયસ્વાલ જેવા મોટા બેટ્સમેનોને આઉટ કર્યા.IPL 2026માં આ મેચ પહેલા વરુણ ખૂબ જ ખરાબ પ્રદર્શન કરી રહ્યો હતો. તે તેની પહેલી ત્રણ મેચમાં વિકેટ વગર રહ્યો હતો. જોકે, ચોથી મેચમાં તેણે ગુજરાત સામે 2/34 વિકેટ લઈને સારી બોલિંગ કરી.
આ પણ વાંચો - Varun Chakravarthyએ વૈભવ સૂર્યવંશીને આઉટ કરીને રચ્યો ઈતિહાસ, T20 ક્રિકેટમાં મચાવી ધૂમ
