કોમનવેલ્થ ગેમ્સમાં ભારતીય બોક્સરોએ પોતાનું પ્રભાવશાળી પ્રદર્શન ચાલુ રાખ્યું છે. ગ્લાસગોમાં પ્રીતિ પવાર અને જાસ્મીનના ગોલ્ડ મેડલ જીત્યા બાદ બોક્સર જદુમણી સિંહે પણ પોતાની પંચિંગ કૌશલ્યનું પ્રદર્શન કર્યું.
જદુમણી સિંહે 55 કિગ્રા ફાઈનલમાં સારું પ્રદર્શન કર્યું, પરંતુ જીત મેળવી શક્યો નહીં. ટાઈટલ મેચમાં તે ઓસ્ટ્રેલિયાના જાઈ ડિક્સન સામે હારી ગયો. જદુમણી સિંહે સિલ્વર મેડલ જીત્યો. જદુમણી ભલે મેચ હારી ગયો હોય, પરંતુ તેને એક અદ્ભુત પ્રદર્શન કર્યું. તેને અંતિમ ક્ષણો સુધી ગોલ્ડ મેડલ પર પકડ રાખી, પરંતુ આખરે નિર્ણય તેની વિરુદ્ધ ગયો.
કોમનવેલ્થ ગેમ્સ 2026 માં જદુમણિનું પ્રદર્શન
રાઉન્ડ ઓફ 32: સ્કોટલેન્ડના એરોન કુલેનને 5-0થી હરાવ્યું
રાઉન્ડ ઓફ 16: પાકિસ્તાનના સુમામા રહેમાનને 5-0થી હરાવ્યો
ક્વાર્ટરફાઈનલ: ઝામ્બિયાના મ્વેન્ગો મ્વાલેને 5-0થી હરાવ્યું
સેમી-ફાઈનલ: નામિબિયાના ફિલિપ હાઓસેબને હરાવ્યો.
ફાઈનલ: ઓસ્ટ્રેલિયાના જાઈ ડિક્સન સામે હારી ગયો.
500 રૂપિયાએ તેનું કરિયર બદલી નાખ્યું
જદુમણિ સિંહ એક સમયે 50 કિગ્રા કેટેગરીમાં ભાગ લીધો હતો, પરંતુ પાછળથી તેને 55 કિગ્રા વર્ગમાં ભાગ લેવા માટે પોતાનું વજન 5 કિલો વધારવાનું નક્કી કર્યું. તેના આ નિર્ણયની વ્યાપક ટીકા થઈ હતી, પરંતુ આ ખેલાડીએ જાહેરમાં કહ્યું હતું કે જો તેઓ આ કેટેગરીમાં સારું પ્રદર્શન કરવામાં નિષ્ફળ જશે તો તેઓ બોક્સિંગ છોડી દેશે. જદુમણિએ 88 કિગ્રા કેટેગરીમાં સારું પ્રદર્શન કર્યું.
જદુમણિ ફૂટબોલ રમતો હતો, પરંતુ તેમના કાકાના આગ્રહથી તેને બોક્સિંગ અપનાવ્યું. 2016માં માત્ર 28 કિલો વજન હોવા છતાં, તેને ઈમ્ફાલમાં 36 કિલો વર્ગમાં સારું પ્રદર્શન કર્યું. તેના પ્રદર્શનથી પ્રભાવિત થઈને ભૂતપૂર્વ ભારતીય બોક્સર મેરી કોમ અને એલ. સરિતા દેવીએ તેને 500-500 રૂપિયાનું ઈનામ આપ્યું. આ પછી જદુમણિએ બોક્સિંગને પોતાનું કરિયર બનાવ્યું.
આ પણ વાંચો: Team Indiaનું શ્રીલંકા પ્રવાસ માટે બદલાયું શેડ્યૂલ, આ મેચ ફક્ત 3 દિવસની રહેશે
