ગ્લાસગો કોમનવેલ્થ ગેમ્સ 2026માં ભારતીય બોક્સર લવલીના બોર્ગોહેન મહિલા 75 કિગ્રા વર્ગની ફાઈનલમાં હારી ગઈ. તેણે સિલ્વર મેડલથી સંતોષ માનવો પડ્યો. ફેન્સને આશા હતી કે તે ફાઈનલ જીતીને ગોલ્ડ જીતશે.
એકંદરે શનિવાર બોક્સરો માટે એક શાનદાર દિવસ હતો. તેના મુકાબલા પહેલા શનિવારે 5 ભારતીય બોક્સરોએ ગોલ્ડ મેડલ જીત્યા હતા. તેના માટે પણ અપેક્ષાઓ ઘણી વધારે હતી.
CWG 2026માં મહિલાઓની 75 કિગ્રા કેટેગરીની ફાઈનલમાં લવલીના બોર્ગોહેનનો સામનો ઓસ્ટ્રેલિયાની એમ્મા-સુ ગ્રીનટ્રી સામે થયો હતો. આ ઓસ્ટ્રેલિયન ખેલાડી તેના ફૂટવર્કમાં ખૂબ જ ઝડપી છે, જે ફાઈનલમાં સ્પષ્ટ દેખાઈ આવ્યું.
ગ્રીનટ્રીએ પહેલા રાઉન્ડમાં લવલીના બોર્ગોહેન પર દબાણ કર્યું અને પહેલો રાઉન્ડ 4-1થી જીત્યો. ઓસ્ટ્રેલિયન બોક્સરે પહેલા રાઉન્ડમાં પોતાનું સ્થાન બદલ્યું અને કેટલાક પ્રભાવશાળી ક્રોસ પંચથી ભારતીય બોક્સરને મુશ્કેલીમાં મુકી દીધા. તેણે વિભાજીત નિર્ણયમાં લવલીનાને 4-1થી હરાવી. મેચ અત્યંત રોમાંચક રહી.
બંને ખેલાડીઓએ 1-1 રાઉન્ડ જીત્યો અને ત્રીજા રાઉન્ડમાં એકબીજા પર વળતો હુમલો કર્યો. પરંતુ પરિણામ આખરે એમ્માના પક્ષમાં ગયું, અને લવલીનાને સિલ્વર મેડલથી સંતોષ માનવો પડ્યો. ભારતે અત્યાર સુધી બોક્સિંગમાં 5 ગોલ્ડ અને 2 સિલ્વર મેડલ જીત્યા છે. 3 ભારતીય બોક્સરોની હજુ સુધી ફાઈનલ મેચ શરૂ થવાની બાકી છે.
પ્રીતિ પવાર
જાસ્મીન લેમ્બોરિયા
સાક્ષી ચૌધરી
પ્રિયા ઘંઘાસ
અરુંધતી ચૌધરી
આ પણ વાંચો: Team Indiaનું શ્રીલંકા પ્રવાસ માટે બદલાયું શેડ્યૂલ, આ મેચ ફક્ત 3 દિવસની રહેશે