એશિયન ગેમ્સ 2026નો જાપાનમાં પ્રારંભ થઈ ગયો છે.ભારતીય ખેલાડીઓ આ વખતે વધુ સારા પ્રદર્શન સાથે નવા રેકોર્ડ બનાવવાના ઈરાદા સાથે મેદાનમાં ઉતર્યા છે.2023માં હાંગઝોઉ એશિયન ગેમ્સમાં ભારતે કુલ 107 મેડલ જીતીને પોતાનું અત્યાર સુધીનું સૌથી મોટું મેડલ ટેલિ નોંધાવ્યું હતું.હવે આઈચી-નાગોયા એશિયન ગેમ્સમાં ભારતીય દળની નજર આ રેકોર્ડને વધુ આગળ લઈ જવા પર છે.આ દરમિયાન ભારતના સ્ટાર ભાલાફેંક ખેલાડી નીરજ ચોપરાએ એશિયન ગેમ્સ શરૂ થવાના દિવસે એક ભાવુક પોસ્ટ શેર કરી છે.પગની એન્કલ લિગામેન્ટની ઈજાને કારણે નીરજ આ વખતે એશિયન ગેમ્સમાં ભાગ લઈ રહ્યો નથી.તેણે કહ્યું કે આ સ્પર્ધામાં ભારતનું પ્રતિનિધિત્વ ન કરી શકવાનું તેના માટે મુશ્કેલ છે.

એશિયન ગેમ્સે નીરજને ખાસ યાદો આપી છે

નિરજ ચોપરા માટે એશિયન ગેમ્સ ખૂબ જ ખાસ રહી છે. તેણે 2018માં જકાર્તા એશિયન ગેમ્સમાં ભાલાફેંકમાં ગોલ્ડ મેડલ જીત્યો હતો. ત્યારબાદ 2023માં હાંગઝોઉમાં પણ તેણે પોતાનું ગોલ્ડ મેડલ જાળવી રાખ્યું હતું. 2018માં તે ભારતનો ધ્વજવાહક પણ રહ્યો હતો.નિરજે પોતાની પોસ્ટમાં જણાવ્યું કે એશિયન ગેમ્સે તેની કારકિર્દીની કેટલીક સૌથી યાદગાર ક્ષણો આપી છે. આ વખતે ભારતનું પ્રતિનિધિત્વ ન કરી શકવાનું તેના માટે મુશ્કેલ છે. નાગોયામાં ભારતીય દળ સાથે માર્ચ પાસ્ટમાં સામેલ ન થઈ શકવાનું પણ તેને ખટકશે.

https://www.linkedin.com/posts/neeraj-chopra-17410b396_in-2018-i-went-to-jakarta-as-the-flagbearer-activity-7506601331630108672-Uwfp?utm_source=li_share&utm_content=feedcontent&utm_medium=g_dt_web&utm_campaign=copy

એન્કલ લિગામેન્ટની ઈજાને કારણે બહાર

નિરજ ચોપરાને તાલીમ દરમિયાન પગની એન્કલ લિગામેન્ટમાં ઈજા થઈ હતી. આ ઈજાને કારણે તેણે એશિયન ગેમ્સ ઉપરાંત 2026ની બાકીની સિઝનમાંથી પણ પોતાનું નામ પાછું ખેંચ્યું છે. આ સાથે ડાયમંડ લીગ ફાઇનલમાં રમવાની તેની શક્યતા પણ સમાપ્ત થઈ હતી.નિરજે કહ્યું કે દેશ માટે કોઈ સ્પર્ધામાં ઉતરવું અને દેશની આશાઓ સાથે મેદાનમાં જવું તેના માટે સન્માનની વાત છે. આવી તક ગુમાવવી તેના માટે દુઃખદ છે.

નીરજની ગેરહાજરીથી ભારતને મોટો ઝટકો

નિરજ સતત બે એશિયન ગેમ્સમાં ભાલાફેંકનો ગોલ્ડ મેડલ જીતી ચૂક્યો છે.આ વખતે તે ત્રીજી વખત સતત ગોલ્ડ જીતવાના લક્ષ્ય સાથે મેદાનમાં ઉતરવાનો હતો, પરંતુ ઈજાના કારણે તે આ તક ગુમાવી રહ્યો છે.નિરજની ગેરહાજરી છતાં ભારતીય એથ્લેટિક્સ ટીમમાં ઘણા મજબૂત ખેલાડીઓ છે અને ભારતની મેડલની આશા યથાવત છે. આઈચી-નાગોયા એશિયન ગેમ્સમાં ભારત 36 રમતોમાં ભાગ લઈ રહ્યું છે અને કુલ 503 ખેલાડીઓનો ભારતીય દળ સ્પર્ધામાં ઉતર્યો છે.નિરજ ભલે આ વખતે મેદાન પર ન હોય, પરંતુ તેની ભાવુક પોસ્ટે સ્પષ્ટ કર્યું છે કે એશિયન ગેમ્સ અને ભારતનું પ્રતિનિધિત્વ તેના માટે કેટલું ખાસ છે.

આ પણ વાંચો - Asian Games Opening Ceremony: રમતગમત મંત્રી મનસુખ માંડવિયા જાપાન પહોંચ્યા, ભારત મેડલ માટે તૈયાર