ICCમેન્સ T20 વર્લ્ડકપ 2026માં ભારત સામેની મેચ અંગે પાકિસ્તાન ક્રિકેટ બોર્ડ (PCB) અને ઇન્ટરનેશનલ ક્રિકેટ કાઉન્સિલ (ICC) વચ્ચે ચાલી રહેલો સંઘર્ષ નિર્ણાયક વળાંક પર . પાકિસ્તાન સરકારે અગાઉ ભારત સામેની મેચનો બહિષ્કાર કરવાની હાકલ કરી હતી. ICC ની કડકાઈ બાદ, PCB ને હવે વાટાઘાટોના ટેબલ પર આવવાની ફરજ પડી છે.જોકે, પાકિસ્તાન ક્રિકેટ બોર્ડનો નાટક ચાલુ છે. પાકિસ્તાન ક્રિકેટ બોર્ડે ભારત સામે વર્લ્ડ કપ મેચ રમવા માટે ICC સમક્ષ ત્રણ શરતો મૂકી છે, જેમાં ભંડોળ વધારવા, દ્વિપક્ષીય ક્રિકેટ ફરી શરૂ કરવાની અને હાથ મિલાવવાના પ્રોટોકોલના બાબતનો સમાવેશ થાય છે.
પાકિસ્તાને બહિષ્કાર કરવાની જાહેરાત કરી
રવિવારે ICCના ડેપ્યુટી ચેરમેન ઇમરાન ખ્વાજા અને એસોસિએટ સભ્યોના પ્રતિનિધિ મુબાશીર ઉસ્માની પાકિસ્તાન પહોંચ્યા અને PCB ના ચેરમેન મોહસીન નકવી સાથે લાંબી બેઠક કરી. ચર્ચાનો મુખ્ય વિષય 15 ફેબ્રુઆરીએ કોલંબોના પ્રેમદાસા સ્ટેડિયમમાં યોજાનારી ભારત-પાકિસ્તાન ગ્રુપ મેચ હતી, જેનો પાકિસ્તાને બહિષ્કાર કરવાની જાહેરાત કરી હતી. ક્રિકબઝના અહેવાલ મુજબ, પાકિસ્તાન ક્રિકેટ બોર્ડે ભારત સામે મેચ રમવા માટે ICC સમક્ષ ત્રણ મુખ્ય માંગણીઓ મૂકી હતી..
પાકિસ્તાને ભારત સામે રાખી ત્રણ શરત
પાકિસ્તાન ક્રિકેટ બોર્ડે T20 વર્લ્ડ કપમાં ભારત સામે મેચ રમવા માટે ICC સમક્ષ ત્રણ શરતો મૂકી છે. ચીફ મોહસીન નકવીએ જણાવ્યું હતું કે પાકિસ્તાન ICC પાસેથી વધુ આવકનો હિસ્સો, ભારત સાથે દ્વિપક્ષીય ક્રિકેટ ફરી શરૂ કરવાની અને ભારતીય ખેલાડીઓ મેચ દરમિયાન પાકિસ્તાની ક્રિકેટરો સાથે હાથ મિલાવે તેવી માંગ કરે છે. તે પછી જ તેમની ટીમ ભારત સામે T20 વર્લ્ડ કપ મેચ રમશે. PCBએ આ બાબતે ICC સાથેની અંતિમ રાઉન્ડની બેઠકો દરમિયાન આ શરતો રજૂ કરી હતી. ભારત અને પાકિસ્તાન વચ્ચેનો ભવ્ય મુકાબલો 15 ફેબ્રુઆરીએ કોલંબોમાં યોજાવાનો છે.
એશિયા કપમાં હાથ મિલાવવાનો વિવાદ
પાકિસ્તાન ક્રિકેટ બોર્ડના અધ્યક્ષ મોહસીન નકવીએ પણ એશિયા કપ દરમિયાન "નો-હેન્ડશેક" વિવાદનો મુદ્દો ઉઠાવ્યો હતો, તેને રમત પરંપરાઓ સાથે જોડ્યો હતો. ભારતીય ટીમે 2025 એશિયા કપમાં પાકિસ્તાન સામે ત્રણ મેચ રમી હતી, જેમાં ફાઇનલનો પણ સમાવેશ થાય છે. તે દરમિયાન, ભારતીય ખેલાડીઓએ ત્રણેય મેચમાં પાકિસ્તાની ખેલાડીઓ સાથે હાથ મિલાવવાનું ટાળ્યું હતું.ટોસ દરમિયાન પણ, સૂર્યકુમાર યાદવ અને પાકિસ્તાની કેપ્ટન સલમાન આગાએ હાથ મિલાવ્યો ન હતો. આ ઘટનાએ પાકિસ્તાની ટીમને ગુસ્સે કરી હતી અને નોંધપાત્ર વિવાદ ઉભો કર્યો હતો. હવે, પીસીબી ફરીથી આ જ મુદ્દો ઉઠાવી રહ્યું છે, મેચ દરમિયાન હાથ મિલાવવાના પ્રોટોકોલના અમલની માંગ કરી રહ્યું છે. વધુમાં, એશિયા કપ ફાઇનલ પછી તણાવ વધી ગયો હતો જ્યારે ભારતીય ટીમે મોહસીન નકવી પાસેથી એશિયા કપ ટ્રોફી સ્વીકારવાનો ઇનકાર કર્યો હતો.
આ પણ વાંચો - T20 WC 2026: શાહિદ આફ્રિદીનો રેકોર્ડ ધ્વસ્ત, વાનિન્દુ હસરંગા બીજા સૌથી સફળ બોલર બન્યો
