T20I World Cup : પાકિસ્તાનના T20 વર્લ્ડ કપ બહિષ્કાર વિશે આ શું બોલી ગયા કોંગ્રેસ નેતા? વકર્યો વિવાદ

પાકિસ્તાન ICC T20I વર્લ્ડકપમાં ભારત સામે રમશે નહીં.પાકિસ્તાન સરકારે કહ્યું છે કે ટીમ 15 ફેબ્રુઆરીએ ભારત સામે રમાનારી મેચમાં રમશે નહીં.કોંગ્રેસના સાંસદ ઇમરાન મસૂદે આ બાબતે એક નિવેદન બહાર પાડ્યું છે.તેમણે કહ્યું કે ભારતે ICCમેન્સ T20I વર્લ્ડ કપ 2026માં પાકિસ્તાન સામે રમવાનો ઇનકાર કરવો જોઈતો હતો.

દેશના સન્માન સાથે સમાધાન ન કરવું જોઈએ

સુદે કહ્યું,BCCI એ દેશના સન્માન સાથે સમાધાન ન કરવું જોઈએ.જ્યારે અમે બાંગ્લાદેશી ખેલાડી સાથે કરાર કર્યો ત્યારે ઘણો હોબાળો થયો હતો.તો અમે પાકિસ્તાન સાથે મેચ કેમ રમવા માંગીએ છીએ?તેમણે વધુમાં કહ્યું,આપણે પહેલા દિવસથી જ ઇનકાર કરી દેવો જોઈતો હતો.અમારે તેમની સાથે કોઈ સંબંધ ન હોવો જોઈએ.ભારતે શરૂઆતથી જ પોતાનું વલણ સ્પષ્ટ કરી દેવું જોઈતું હતું.

મણિકમ ટાગોરની પ્રતિક્રિયા

આ દરમિયાન, કોંગ્રેસના સાંસદ માનિકમ ટાગોરે ક્રિકેટના રાજકીયકરણ પર ચર્ચા કરતી વખતે ભૂતકાળને યાદ કર્યો. તેમણે કહ્યું કે ક્રિકેટમાં લાંબા સમયથી રાજકારણ થઈ રહ્યું છે. 'ઓપરેશન સિંદૂર'નો ઉલ્લેખ કરતા, તેમણે સમજાવ્યું કે તે સમયે પણ બંને દેશો વચ્ચે રમતગમત સંબંધો બંધ કરવાની માંગણીઓ થઈ રહી હતી. ટાગોરે આશા વ્યક્ત કરી હતી કે ભારત સરકાર આ બાબતે યોગ્ય નિર્ણય લેશે, જેથી દેશના હિતોનું રક્ષણ થઈ શકે.

ભારત ઉત્તમ ફોર્મમાં

એ નોંધવું જોઈએ કે ભારત અને શ્રીલંકા સંયુક્ત રીતે આ વર્લ્ડ કપનું આયોજન કરી રહ્યા છે. મેદાન પર, ભારતીય ટીમ હાલમાં ઉત્તમ ફોર્મમાં છે. તાજેતરમાં, ભારતે ન્યુઝીલેન્ડ સામે પાંચ મેચની T20 શ્રેણી 4-1થી જીતી હતી. બીજી તરફ, ICC T20 વર્લ્ડ કપમાં પાકિસ્તાનનો ભારત સામે ખૂબ જ ખરાબ રેકોર્ડ છે.

આ પણ  વાંચો - T20I World Cup 2026: IND vs PAK મેચ માટે ટીમ ઈન્ડિયા જશે શ્રીલંકા, આ છે કારણ