રેસલિંગની દુનિયામાં ઘણી વખત ફિક્શન અને હકીકત વચ્ચેનો ફરક કરવો મુશ્કેલ બની જાય છે. વર્ષમાં સેંકડો દિવસો સાથે ટ્રાવેલ કરવા અને રિંગ શેર કરવા દરમિયાન WWE સુપરસ્ટાર્સ વચ્ચે ઘણી વખત પ્રેમ થઈ જાય છે. કેટલાક કપલ્સ પોતાની પર્સનલ લાઇફ પ્રાઇવેટ રાખવાનું પસંદ કરે છે, જ્યારે કેટલાક કપલ્સે પોતાના રિયલ લાઇફ બોન્ડિંગને ઓન-સ્ક્રીન સ્ટોરીલાઇનમાં બદલીને ફેન્સને ક્યારેય ન ભૂલાય એવી પળો આપી છે. 1980ના દાયકાના લેજેન્ડ્સથી લઈને આજના મોર્ડન-ડે વર્લ્ડ ચેમ્પિયન્સ સુધી, આ 5 પાવર કપલ્સ સાબિત કરે છે કે સૌથી મજબૂત જોડીઓ ઘણી વખત રિંગની અંદર જ બને છે.
બ્રોક લેસ્નર અને સેબલ
WWEના ઈતિહાસની વાત કરીએ તો બ્રોક લેસ્નર અને સેબલની જોડીને સૌથી પાવરફુલ અને ચર્ચિત કપલ્સમાં ગણવામાં આવે છે. રિંગની અંદર પોતાની આક્રમકતા માટે જાણીતા ધ બીસ્ટ બ્રોક લેસ્નર અને 90ના દાયકાના એટિટ્યુડ એરાની લોકપ્રિય મહિલા સુપરસ્ટાર્સમાંથી એક સેબલની લવ સ્ટોરી પણ ઘણી ઈન્ટરેસ્ટિંગ રહી છે. બ્રોક લેસ્નર અને સેબલની મુલાકાત 2003-2004 દરમિયાન WWEમાં સાથે કામ કરતી વખતે થઈ હતી. તે સમયે સેબલની WWEમાં બીજી ઇનિંગ ચાલી રહી હતી અને બ્રોક લેસ્નર કંપનીના ટોપ નેક્સ્ટ બિગ થિંગ તરીકે આગળ વધી રહ્યા હતા. બંને વચ્ચે ઓન-સ્ક્રીન કરતાં વધુ ઓફ-સ્ક્રીન નિકટતા વધી અને ધીમે-ધીમે આ સંબંધ ખૂબ મજબૂત બનતો ગયો.
સેથ રોલિન્સ અને બેકી લિંચ
સેથ રોલિન્સ અને બેકી લિંચ મોર્ડન રેસલિંગના સૌથી મોટા પાવર કપલ્સમાંથી એક છે. બંનેએ ઘણી વખત વર્લ્ડ ચેમ્પિયનશિપ જીતી છે અને રેસલમેનિયાના મેઇન ઈવેન્ટનો ભાગ પણ રહ્યા છે. 2019ની શરૂઆતમાં એકબીજાને ડેટ કર્યા બાદ બંનેએ જૂન 2021માં લગ્ન કર્યા હતા. WWE ઘણી વખત તેમને ટીવી પર સાથે લાવવાને બદલે બંનેની સોલો કરિયર પર ફોકસ કરે છે, જેના કારણે બંને પોતાના-પોતાના ડિવિઝનમાં શાનદાર પ્રદર્શન કરી રહ્યા છે.
ટ્રિપલ એચ અને સ્ટેફની મેકમહોન
ટ્રિપલ એચ અને સ્ટેફની મેકમહોને WWEના કોર્પોરેટ અને ક્રિએટિવ માળખાને નવી દિશા આપી છે. તેમની લવ સ્ટોરી 1999માં એક ઓન-સ્ક્રીન સ્ટોરીલાઇનથી શરૂ થઈ હતી, જે બાદમાં રિયલ લાઇફ સંબંધમાં બદલાઈ ગઈ. બંનેએ ઓક્ટોબર 2003માં લગ્ન કર્યા હતા. ઓન-સ્ક્રીન વિલન બનવાથી લઈને WWEના ટોપ એક્ઝિક્યુટિવ બનવા સુધી, આ જોડીએ દાયકાઓ સુધી કંપનીમાં મહત્વની ભૂમિકા ભજવી છે. આજે ટ્રિપલ એચ WWEની સંપૂર્ણ ક્રિએટિવ ડાયરેક્શન સંભાળી રહ્યા છે.
ધ મિઝ અને મેરીસ
ધ મિઝ અને પૂર્વ ડીવાસ ચેમ્પિયન મેરીસની જોડી સ્પોર્ટ્સ એન્ટરટેઇનમેન્ટ અને રિયાલિટી ટીવીનું શાનદાર કોમ્બિનેશન છે. બંનેએ ફેબ્રુઆરી 2014માં લગ્ન કર્યા હતા. ઓન-સ્ક્રીન ટીવી પર મેરીસ ઘણી વખત મિઝની મેનેજર બનીને પોતાની ચાલાકીથી તેમને મેચ જીતવામાં મદદ કરતી જોવા મળે છે. તેમની જબરદસ્ત કોમેડી ટાઇમિંગ અને ગ્લેમરસ લાઇફસ્ટાઇલ ફેન્સને એટલી પસંદ આવી કે આ કપલ પર ‘મિઝ એન્ડ મિસિસ’ નામનો હિટ રિયાલિટી શો પણ બનાવવામાં આવ્યો.
મેચો મેન રેન્ડી સેવેજ અને મિસ એલિઝાબેથ
1980ના દાયકાના ગોલ્ડન એરામાં રેન્ડી સેવેજ અને મિસ એલિઝાબેથની જોડીને રેસલિંગની સૌથી ઇમોશનલ લવ સ્ટોરી માનવામાં આવતી હતી.
ડિસેમ્બર 1984માં લગ્ન કરનાર આ કપલમાં એલિઝાબેથની શાલીનતા અને રેન્ડી સેવેજનો આક્રમક અંદાજ ફેન્સને ખૂબ પસંદ આવતો હતો. સમરસ્લેમ 1991માં થયેલો તેમનો ઓન-સ્ક્રીન વેડિંગ સેગમેન્ટ મેચ મેડ ઇન હેવન આજે પણ રેસલિંગના ઈતિહાસની સૌથી યાદગાર પળોમાં ગણાય છે.
આ પણ વાંચો-IND vs SL 1st Test : ગોલમાં ટીમ ઈન્ડિયાની મહાજીત! માનવ સુથાર અને દેવદત્ત પડિક્કલ બન્યા હીરો
