- T20 વર્લ્ડકપની 2024ની શરૂઆત થઈ ચૂકી છે
- ટૂર્નામેન્ટમાં સૌથી મોટી ઉંમરના ખેલાડી ફ્રેંક નસુબુગા
- ટૂર્નામેન્ટમાં સૌથી યુવા ખેલાડી નેપાળનો ગુલશન ઝા છે
T20 ક્રિકેટના ઈતિહાસમાં પ્રથમ વર્લ્ડકપ વર્ષ 2007માં યોજાયો હતો. અત્યાર સુધી આઠ T20 વર્લ્ડકપ સિઝન રમાઈ ચૂકી છે, પરંતુ 2024નો વર્લ્ડકપ સૌથી ખાસ બનવાનો છે. આ ટુર્નામેન્ટમાં વિવિધ 20 દેશોની ટીમો ભાગ લેશે. ભારત અત્યારે વિશ્વની નંબર 1 T20 ટીમ છે, પરંતુ આ વખતે ઘણા સહયોગી દેશોને પણ તક મળી છે. આ ટુર્નામેન્ટમાં ખૂબ જ અનુભવી ખેલાડીઓથી લઈને યુવાઓ પણ ભાગ લઈ રહ્યા છે. તેથી, જ્યારે તમને T20 વર્લ્ડકપ 2024માં સૌથી મોટી અને સૌથી નાની વયના ખેલાડીની ઉંમરમાં તફાવત ખબર પડશે, ત્યારે તમે ચોંકી જશો. તેમની ઉંમરમાં 25 વર્ષનો તફાવત છે.
સૌથી મોટી ઉંમરના ખેલાડી
T20 વર્લ્ડકપમાં સામેલ સૌથી મોટી ઉંમરના ખેલાડીનું નામ ફ્રેંક નસુબુગા છે, જે યુગાન્ડા તરફથી રમતા જોવા મળશે. ફ્રેંકની ઉંમર 43 વર્ષ 254 દિવસ છે અને તેણે આંતરરાષ્ટ્રીય ક્રિકેટમાં 1997માં ડેબ્યૂ કર્યું હતું, જ્યારે તે માત્ર 16 વર્ષનો હતો. તેને પોતાના દેશ માટે ક્રિકેટ રમ્યાને 27 વર્ષ થઈ ગયા છે, જે પોતાનામાં એક ઐતિહાસિક રેકોર્ડ છે. તે 2011 થી યુગાન્ડાની ટીમ માટે નિયમિતપણે રમી રહ્યો છે અને આ પ્રથમ વખત છે જ્યારે યુગાન્ડા T20 વર્લ્ડકપમાં ભાગ લેશે.
સૌથી યુવા ખેલાડી
એક તરફ T20 વર્લ્ડકપમાં સૌથી મોટી ઉંમરના ખેલાડીની ઉંમર 43 વર્ષથી વધુ છે. આ ટુર્નામેન્ટનો સૌથી યુવા ખેલાડી નેપાળનો ગુલશન ઝા હશે, જેની ઉંમર માત્ર 18 વર્ષ અને 77 દિવસ છે. ગુલશને વર્ષ 2021માં નેપાળ તરફથી આંતરરાષ્ટ્રીય ક્રિકેટમાં ડેબ્યૂ કર્યું હતું. 19 વિકેટ લેવા ઉપરાંત તેણે નેપાળ માટે અત્યાર સુધી 29 T20 મેચમાં 362 રન પણ બનાવ્યા છે. બીજી તરફ 21 વિકેટ લેવા સિવાય તેણે 27 વનડે મેચમાં 514 રન પણ બનાવ્યા છે. ગુલશન એક બોલર છે, પરંતુ તેને ઓલરાઉન્ડર કહેવું ખોટું નહીં હોય.
