- ઓલિમ્પિક સમાપન સમારોહમાં મનુ ભાકર બનશે મહિલા ધ્વજવાહક
- જ્યારે પુરૂષ ધ્વજવાહકની હજુ જાહેરાત કરવામાં આવી નથી
- પેરિસ ઓલિમ્પિકનો 11 ઓગસ્ટે સમાપન સમારોહ યોજાશે
ભારતની બે વખતની ઓલિમ્પિક બ્રોન્ઝ મેડલ વિજેતા મનુ ભાકરને પેરિસ ઓલિમ્પિક 2024ના સમાપન સમારોહમાં ભારતના ધ્વજવાહક તરીકે પસંદ કરવામાં આવે તેવી શક્યતા છે.મીડિયા રિપોર્ટ અનુસાર, ભારતીય ઓલિમ્પિક એસોસિએશન (IOA) ના સૂત્રોએ જણાવ્યું કે ભાકર સમાપન સમારોહમાં મહિલા ધ્વજવાહક હશે, જ્યારે પુરૂષ ધ્વજવાહકની હજુ જાહેરાત કરવામાં આવી નથી. 11 ઓગસ્ટે સમાપન સમારોહ યોજાશે.
મનુ ભાકર બની શકે છે ધ્વજવાહક
મનુ ભાકરે પેરિસ ઓલિમ્પિક 2024માં પોતાનું શાનદાર પ્રદર્શન કરીને બે મેડલ જીત્યા હતા. તેણીએ મહિલાઓની 10 મીટર એર પિસ્તોલ સ્પર્ધામાં ત્રીજું સ્થાન મેળવ્યું હતું અને ત્યારબાદ 10 મીટર એર પિસ્તોલ મિશ્રિત ટીમ સ્પર્ધામાં સરબજોત સિંહ સાથે બ્રોન્ઝ મેડલ જીત્યો હતો.ઓલિમ્પિકના ઓપનિંગ સેરેમનીમાં ભારતીય ટીમની આગેવાની શટલર પીવી સિંધુ અને ટેબલ ટેનિસ ખેલાડી શરથ કમલે કરી હતી. તે જ સમયે, સમાપન સમારોહમાં ભારતીય ટીમનો ધ્વજવાહક કોણ હશે તેની સત્તાવાર જાહેરાત હજુ થવાની બાકી છે.
મનુ ભાકર ત્રીજો મેડલ ચૂકી
બે મેડલ જીત્યા બાદ મનુ ભાકર ત્રીજો મેડલ જીતવા માટે 3 ઓગસ્ટે ફાઈનલ મેચ રમી હતી, પરંતુ તે ઈતિહાસ રચવાનું ચૂકી ગઈ હતી. ઓલિમ્પિકમાં બે મેડલ જીતનારી તે ભારતની પ્રથમ એથ્લેટ છે. મનુએ મહિલાઓની 25 મીટર પિસ્તોલ સ્પર્ધામાં ચોથા સ્થાન પર રહી હતી. હાર બાદ મનુ ભાકરે કહ્યું કે બે મેડલ જીત્યા બાદ મેડલ હારવું એ ખુબ જ દુઃખદાયક છે. હું આગામી સમયમાં પણ ભારત માટે મેડલ જીતવાનો પ્રયાસ કરીશ.
ટોક્યો ઓલિમ્પિક્સમાં મનુનું પ્રદર્શન
મનુ ભાકરે પેરિસ ઓલિમ્પિક 2024માં પોતાનું શાનદાર પ્રદર્શન કરીને બે મેડલ જીત્યા હતા. ટોક્યો ઓલિમ્પિક્સ 2021માં 10 મીટર એર પિસ્તોલ ક્વોલિફિકેશન રાઉન્ડમાં તેની બંદૂક ખરાબ થઈ ગઈ, જેના કારણે તેણીને સમયની અછતનો સામનો કરવો પડ્યો અને તેથી તે ફાઇનલમાં ક્વોલિફાય થઈ શકી નહીં.
