PCBની નથી મળી રહ્યા બ્રોડકાસ્ટર, સ્ટ્રીમિંગ રાઈટ્સ અડધા ભાવે વેચવા મજબૂર

• પાકિસ્તાન ક્રિકેટ બોર્ડ કોઈને કોઈ કારણોસર સમાચારમાં રહે છે
  
• સ્ટ્રીમિંગ રાઈટ્સ માટે રિઝર્વ કિંમત PKR 3.2 બિલિયન નક્કી કરી
• પાકિસ્તાન ક્રિકેટ બોર્ડને માત્ર PKR 1.72 બિલિયન જ મળ્યા છે

પાકિસ્તાન ક્રિકેટ બોર્ડ એટલે કે PCB કોઈને કોઈ કારણોસર સમાચારમાં રહે છે. તાજેતરનો મામલો પ્રસારણ અધિકારો સાથે સંબંધિત છે. વાસ્તવમાં, પાકિસ્તાન ક્રિકેટ બોર્ડ (PCB)ને આશા હતી કે તેને આંતરરાષ્ટ્રીય સ્થાનિક મેચોના સ્ટ્રીમિંગ રાઈટ્સ વેચવા માટે સારી રકમ મળશે પરંતુ થયું તેનાથી વિપરીત થયું છે. પાકિસ્તાન ક્રિકેટ બોર્ડ (PCB)ને સ્ટ્રીમિંગ રાઈટ્સ વેચવા માટે તેની રિઝર્વ કિંમતનો માત્ર અડધો ભાગ મળ્યો છે.

PCBને થયું મોટું નુકસાન 

PCB એ પાકિસ્તાન ક્ષેત્રના સ્ટ્રીમિંગ રાઈટ્સ માટે પ્રારંભિક રિઝર્વ કિંમત PKR 3.2 બિલિયન નક્કી કરી હતી પરંતુ તેને માત્ર PKR 1.72 બિલિયન જ મળ્યા હતા. આ રીતે પાકિસ્તાન બોર્ડને અંદાજે 1.48 અબજ પાકિસ્તાની રૂપિયાનું નુકસાન થયું છે. આ બ્રોડકાસ્ટિંગ રાઈટ્સ હેઠળ 2024-25 સીઝનમાં 11 ટેસ્ટ મેચ, 26 ODI અને 24 T20I મેચ સામેલ છે. ODIમાં કેટલીક દ્વિપક્ષીય સિરીઝ અને કેટલીક ત્રિકોણીય ટુર્નામેન્ટનો સમાવેશ થાય છે.

PCB ટેન્શનમાં

કોઈપણ આંકડા શેર કર્યા વિના, PCBએ દાવો કર્યો હતો કે આ સ્ટ્રીમિંગ રાઈટ્સ અગાઉની તુલનામાં બમણા કરતાં વધુ કિંમતે વેચવામાં આવ્યા હતા. માહિતી અનુસાર, PCBએ તાજેતરમાં જ તેના પાકિસ્તાન ક્ષેત્રના પ્રસારણ અધિકારો ARY અને ટાવર સ્પોર્ટ્સના જોડાણને 28 મહિનાના સમયગાળા માટે વેચ્યા હતા. આ પછી તેણે દાવો કર્યો હતો કે તેને અગાઉના કરાર કરતાં વધુ કિંમતે વેચવામાં આવી હતી.

PCBના દાવાથી વિપરીત, કોઈપણ મોટા વિદેશી પ્રસારણકર્તાએ પાકિસ્તાનની મેચોના પ્રસારણ અધિકારો ખરીદવામાં રસ દાખવ્યો ન હતો. આના પરથી સ્પષ્ટપણે સમજી શકાય છે કે પાકિસ્તાન ક્રિકેટ અને તેનું બોર્ડ ખરેખર પૈસા એકત્ર કરવામાં મુશ્કેલીનો સામનો કરી રહ્યા છે. આવતા વર્ષે ચેમ્પિયન્સ ટ્રોફીની યજમાનીને ધ્યાનમાં રાખીને પાકિસ્તાન માટે આ વધુ ચિંતાજનક સ્થિતિ છે.

PCBને બ્રોડકાસ્ટર મળી રહ્યા નથી

દરમિયાન, PCBને ઓક્ટોબર-નવેમ્બરમાં પાકિસ્તાન અને ઈંગ્લેન્ડની ટેસ્ટ સિરીઝ માટે ઈંગ્લેન્ડમાં બ્રોડકાસ્ટર મેળવવામાં મુશ્કેલી પડી રહી છે. મેજર બ્રોડકાસ્ટર સ્કાય સ્પોર્ટ્સ આ સીરીઝની મેચોના રાઈટ્સ ખરીદવામાં કોઈ રસ નથી બતાવી રહ્યું જેના કારણે PCBની મુશ્કેલીઓ વધી શકે છે. જો કે, પાકિસ્તાન બોર્ડને આશા છે કે તે ટૂંક સમયમાં ઇંગ્લેન્ડથી બ્રોડકાસ્ટર શોધી લેશે.