આ ક્રિકેટરને બોલીવુડની ફેમસ એક્ટ્રેસ સાથે થયો પ્રેમ, જાણો કપલની લવસ્ટોરી

પાકિસ્તાન ક્રિકેટ ટીમના પૂર્વ કેપ્ટન અને અનુભવી ઓલરાઉન્ડર ઈમરાન ખાન હંમેશા ચર્ચામાં રહે છે. ઈમરાન ખાન જ્યારે તેના ક્રિકેટ કરિયરના ટોપ પર હતો, ત્યારે તેના ઘણા લિંકઅપના સમાચારો સામે આવ્યા હતા. ખાસ વાત એ છે કે તેનું નામ ભારતીય એક્ટ્રેસ સાથે પણ જોડાયું હતું જેમાં ઝીનત અમાન પણ સામેલ છે. ઝીનત એક ફેમસ એક્ટ્રેસ રહી ચુકી છે. તે તેના બોલ્ડ લુક માટે ઘણી ચર્ચામાં રહી હતી.

ઈમરાન ખાન અને ઝીનત અમાનનું અફેર

પોતાની ઉંચી હાઈટ અને આકર્ષક વ્યક્તિત્વના કારણે ઈમરાન છોકરીઓમાં ખૂબ જ લોકપ્રિય હતો. તે દિવસોમાં, કેપ્ટન તરીકે નિયુક્ત થયેલો ઈમરાન ભારતની મુલાકાતે આવ્યો હતો, જ્યારે તે એક મીટિંગમાં ઝીનત અમાનને મળ્યો હતો. કદાચ બંનેને ખબર ન હતી કે તેમની મુલાકાત આટલી જલ્દી પ્રેમમાં બદલાઈ જશે. ઈમરાન અને ઝીનત લંડનમાં ઘણી વખત સાથે જોવા મળ્યા હતા. થોડા દિવસો પછી તેમના અફેરના સમાચાર મીડિયામાં આવવા લાગ્યા. માત્ર ભારતમાં જ નહીં પરંતુ પાકિસ્તાની મીડિયામાં પણ આ સંબંધની ખૂબ ચર્ચા થઈ હતી.

ઈમરાન ખાનની પૂર્વ પત્ની રેહમ ખાને પોતાના પુસ્તકમાં કર્યો ઉલ્લેખ 

એવું કહેવાય છે કે તે પ્રવાસમાં જ્યાં પણ પાકિસ્તાનની ટીમ રમવા જતી ત્યારે ઝીનત પણ મેચ જોવાના બહાને ત્યાં પહોંચી જતી હતી. તે ઘણીવાર ઈમરાન સાથે જોવા મળતી હતી. ઈમરાન પણ ઘણી ભારતીય બ્રાન્ડ સાથે જાહેરાતના શૂટિંગ માટે ભારત આવતો હતો. આ ક્રિકેટરની પૂર્વ પત્ની રેહમ ખાને એક પુસ્તક લખ્યું છે. આ પુસ્તકમાં રેહમે તેનું નામ લીધા વિના ઝીનત અને ઈમરાનની લવ સ્ટોરી વિશે જણાવ્યું છે. રેહમે તેના પુસ્તકમાં ઉલ્લેખ કર્યો છે કે ઈમરાનને ઝીનતની બોલ્ડ સ્ટાઈલ પસંદ આવી હતી.

કપલે ક્યારેય સ્વીકાર્યા નથી સંબંધો

એવું કહેવાય છે કે ક્રિકેટમાં ઈમરાન ખાનનું પ્રદર્શન સતત કથળી રહ્યું હતું. તેમના નબળા પ્રદર્શનનું કારણ નાઈટ ક્લબમાં જવાનું અને ભારતીય એક્ટ્રેસ સાથે 'અનૈતિક પ્રવૃત્તિઓ'માં સામેલ થવાને આભારી છે. ઈમરાન ખાનનું પ્રદર્શન સારું ન હતું અને ઘણા પાકિસ્તાની ઉર્દૂ અખબારોએ હાર માટે ઈમરાન ખાનની ઝીનત અમાન સાથેની મિત્રતાને સીધો જવાબદાર ઠેરવ્યો હતો. તમને જણાવી દઈએ કે ઈમરાન અને ઝીનતમાંથી કોઈએ ક્યારેય તેમના સંબંધોને જાહેરમાં સ્વીકાર્યા નથી.