Paris Olympicમાં કોરોનાએ દીધી દસ્તક, મેડલ જીતનારા ખેલાડીનો રિપોર્ટ આવ્યો પોઝિટિવ

• પેરિસ ઓલિમ્પિક્સ 26 જુલાઈથી શરૂ થઈ હતી
  
• કોરોનાએ રમતોના મહાકુંભમાં પ્રવેશ કર્યો
• બ્રિટિશ સ્વિમર એડમ પીટીને કોરોના થયો

પેરિસ ઓલિમ્પિક્સ 26 જુલાઈથી શરૂ થઈ હતી. ઘણી રમતો બે દિવસ પહેલા એટલે કે 24મી જુલાઈથી શરૂ થઈ ગઈ હતી. સત્તાવાર ઉદઘાટન સમારોહ 26 જુલાઈએ યોજાયો હતો. પેરિસમાં રમાઈ રહેલી ઓલિમ્પિક ગેમ્સનો ફેન્સ આનંદ માણી રહ્યા છે, પરંતુ આ દરમિયાન કોરોનાએ ગેમ્સના મહાકુંભમાં પ્રવેશ કર્યો છે. ઈંગ્લિશ એથ્લેટને કોરોનાએ પકડમાં લીધો છે.

ખેલાડીનો કોરોના રિપોર્ટ પોઝિટિવ

બ્રિટિશ સ્વિમર એડમ પીટીને કોરોનાનો ચેપ લાગ્યો છે. એડમે 28 જુલાઈના રોજ 100 મીટર બ્રેસ્ટસ્ટ્રોક ઈવેન્ટમાં મેડલ જીત્યો હતો. 100 મીટર બ્રેસ્ટસ્ટ્રોક ઈવેન્ટની ફાઇનલમાં ભાગ લેનાર એડમ પીટી મેડલ જીત્યાના બીજા જ દિવસે તેના કોરોના પોઝિટિવ હોવાના સમાચાર બહાર આવ્યા હતા, જે ઈટાલીના નિકોલો માર્ટિનેગીના સંપર્કમાં આવ્યા હતા. નિકોલો માર્ટિનેન્ગીએ આ ઈવેન્ટમાં ગોલ્ડ મેડલ જીત્યો હતો. આ સિવાય એડમ અમેરિકન સ્વિમર નિક ફિંકના પણ સંપર્કમાં આવ્યો હતો.

તમને જણાવી દઈએ કે રવિવારે (28 જુલાઈ) સવારે એડમ પીટીની તબિયત સારી ન હતી. જો કે તેમ છતાં તેણે ફાઈનલ મેચમાં ભાગ લેવાનું નક્કી કર્યું હતું. ફાઈનલ રમ્યા બાદ એડમની તબિયત બગડી અને ટેસ્ટ કરાવવા પર ખબર પડી કે તે કોરોના પોઝિટિવ છે.

કોરોનાને લઇ કોઇ તૈયારી નહીં

પેરિસમાં ચાલી રહેલા ઓલિમ્પિકમાં કોવિડ-19ને લઈને કોઈ નિયમો નથી. ટોક્યોમાં આયોજિત ઓલિમ્પિકમાં કોવિડ -19 ને લઈને ઘણી કડકતા લેવામાં આવી હતી. ટોક્યો ઓલિમ્પિકની તમામ ઈવેન્ટ્સ ચાહકો વિના યોજાઈ હતી. એડમ પીટી, જેમણે પેરિસ ઓલિમ્પિકમાં કોવિડ-19 પોઝિટિવ આવ્યો હતો, તે ટોક્યો ઓલિમ્પિક્સનો પણ ભાગ હતો, જ્યાં તેણે શાનદાર પ્રદર્શન કર્યું હતું. એડમે ટોક્યો ઓલિમ્પિકમાં 4 મેડલ જીત્યા હતા જેમાં 3 ગોલ્ડનો સમાવેશ થાય છે.

પેરિસ ઓલિમ્પિકમાં ભારતનું અત્યાર સુધીનું પ્રદર્શન

ઉલ્લેખનીય છે કે પેરિસ ઓલિમ્પિકમાં ભારતે અત્યાર સુધીમાં એક મેડલ જીત્યો છે. શૂટર મનુ ભાકરે ભારત માટે મેડલ ટેલીની શરૂઆત કરી હતી. હવે એ જોવાનું રસપ્રદ રહેશે કે ભારત આગળનો મેડલ ક્યારે મેળવે છે.