Paris Olympic: સ્ટાર બોક્સર લવલીના ક્વાર્ટર ફાઇનલમાં પહોંચી, મેડલથી એક કદમ દુર

• લવલીના બોર્ગોહેને રાઉન્ડ ઓફ 16 મેચમાં શાનદાર જીત નોંધાવી
  
• લવલીનાએ મેચ 5-0થી જીતી લીધી હતી
• લવલીના હવે મેડલ કન્ફર્મ કરવાથી માત્ર એક જીત દૂર છે

ભારતની સ્ટાર મહિલા બોક્સર લવલીના બોર્ગોહેને રાઉન્ડ ઓફ 16 મેચમાં શાનદાર જીત નોંધાવી હતી. લવલીનાએ મેચ 5-0થી જીતી લીધી હતી. આ સાથે તે હવે ક્વાર્ટર ફાઈનલમાં પ્રવેશી ગઈ છે. લવલીના હવે મેડલ કન્ફર્મ કરવાથી માત્ર એક જીત દૂર છે.

ક્વાર્ટર ફાઇનલમાં ચીની બોક્સર લી કિયાન સાથે થઇ શકે છે ટક્કર

લવલીના માટે સૌથી મોટો પડકાર બે વખતની ઓલિમ્પિક મેડલ વિજેતા ચીની બોક્સર લી કિયાન હોઈ શકે છે, જે ક્વાર્ટર ફાઇનલમાં લવલીના સામે ટકરાશે. લવલીનાને મહિલાઓની 75 કિગ્રા વર્ગમાં આઠમો ક્રમાંક આપવામાં આવ્યો છે, જેના કારણે તેની ક્વાર્ટર ફાઇનલમાં ટોચની ક્રમાંકિત લી ક્વિઆનનો સામનો કરવાની શક્યતા વધી ગઈ છે. પેરિસ બોક્સિંગ યુનિટે પ્રારંભિક રાઉન્ડમાં ટોચના બોક્સરોને સામસામે લાવવાનું ટાળવા માટે આ રેન્કિંગ ઓર્ડર તૈયાર કર્યો છે. લવલીના એકમાત્ર ભારતીય બોક્સર છે જેને આ ડ્રોમાં સીડ આપવામાં આવી છે.

શું ચાઈનીઝ બોક્સર સાથે સ્કોર્સ સેટલ કરી શકશે લવલીના?

લવલીના અને લી કિઆન વચ્ચે ઘણી વખત મેચો થઈ ચૂકી છે. ખાસ કરીને પેરિસ ઓલિમ્પિકમાં 2023 એશિયન ગેમ્સની ફાઇનલમાં ચીની બોક્સર સામે મળેલી હારનો બદલો લેવાની ઈચ્છા લવલીના ચોક્કસપણે કરશે. જો કે, દિલ્હીમાં આયોજિત 2023 IBA મહિલા વર્લ્ડ બોક્સિંગ ચેમ્પિયનશિપની સેમિફાઇનલમાં, લવલીનાએ લી ક્વાનને 4-1ના માર્જિનથી હરાવીને શાનદાર જીત નોંધાવી હતી.

આ કદાચ લવલીનાની અત્યાર સુધીની શ્રેષ્ઠ જીત પૈકીની એક હતી. આવી સ્થિતિમાં, એવું કહેવું ખોટું નહીં હોય કે ક્વાર્ટર ફાઇનલમાં લી સાથેની મેચ લવલીના માટે ઓલિમ્પિકમાં બીજો મેડલ જીતવાનું સપનું સાકાર કરવાનો માર્ગ ખોલી શકે છે. જો લવલીના આ પડકારને પાર કરી લે તો તેનો મેડલ નિશ્ચિત ગણી શકાય.