- મનુ ભાકરે પેરિસ ઓલિમ્પિક 2024માં બે બ્રોન્ઝ મેડલ જીત્યા
- મનુ 25 મીટર પિસ્તોલ સિંગ્લસ સ્પર્ધામાં ચોથા સ્થાને રહી
- મનુ ભાકર 25 મીટર પિસ્તોલમાં મેડલ ચૂકી બાદ થઈ ભાવુક
ભારતની મનુ ભાકર પેરિસ ઓલિમ્પિક-2024માં ઈતિહાસ રચવાનું ચૂકી ગઈ હતી. શનિવારે મનુ 25 મીટર પિસ્તોલ સિંગ્લસ સ્પર્ધામાં મેડલ જીતશે તેવી અપેક્ષા હતી પરંતુ તે ચોથા સ્થાને રહી હતી. મેચ બાદ મનુ ખૂબ જ ભાવુક દેખાઈ અને કહ્યું કે તે તેનાથી ખુશ નથી. આ પછી મનુએ તેની માતાને એક ખાસ સંદેશ મોકલ્યો અને કહ્યું કે હંમેશા તેની સાથે ઉભા રહેવા બદલ આભાર.
મનુએ કહ્યું કે ચોથું સ્થાન સારું નથી. તેણી મેડલ જીતવા માંગતી હતી પરંતુ જીતી શકી નહી અને તેથી તે નિરાશ છે. મનુએ કહ્યું કે તે બે મેડલ જીતીને ખુશ છે પરંતુ ત્રીજો મેડલ ગુમાવવો દુઃખદાયક છે.
માતાને મોકલ્યો ખાસ સંદેશ
મનુએ કહ્યું કે તે તેની માતાનો આભાર માનવા માંગે છે જેમણે તેના માટે ઘણું બલિદાન આપ્યું અને હંમેશા તેની સાથે ઉભા રહ્યા હતા. મનુએ કહ્યું, "હું મારી માતાને આ સંદેશ મોકલવા માંગુ છું - તમે મારા માટે આપેલા તમામ બલિદાન માટે તમારો આભાર. આના કારણે, હું ઘણા લોકોના પડછાયામાંથી બહાર આવી શકી છું. મને આશા છે કે તેમનું જીવન ખુશીઓથી ભરેલુ રહે.
ઘણા સમયથી લંચ કર્યું નથી
જ્યારે મનુને પૂછવામાં આવ્યું કે તે હવે શું કરશે અને તે કેવી રીતે આરામ કરશે, તો મનુએ હસીને કહ્યું કે તે પહેલા લંચ કરશે કારણ કે તેણે લાંબા સમયથી લંચ કર્યું નથી. મનુએ કહ્યું, "હું પહેલા લંચ કરીશ. મેં થોડા દિવસોથી બપોરનું ભોજન કર્યું નથી. હું માત્ર નાસ્તો જ કરતી હતી. હું દિવસ દરમિયાન તાલીમ લેતો હતી અને પછી સાંજે જઈને જમતી હતી."
