Manu Bhaker લગાવી શકે છે મેડલની હેટ્રિક! 25-મીટર પિસ્તોલની ફાઇનલમાં બનાવી જગ્યા

• મહિલા 25 મીટર પિસ્તોલ સ્પર્ધાનો ક્વોલિફિકેશન રાઉન્ડ રમાયો
  
• આ મેચમાં મનુ ભાકર અને ઈશા સિંહ એક્શનમાં જોવા મળ્યા હતા
• મનુ ભાકરે 25 મીટર પિસ્તોલની ફાઇનલમાં પોતાનું સ્થાન નિશ્ચિત કર્યું

પેરિસ ઓલિમ્પિકના સાતમા દિવસે મહિલાઓની 25 મીટર પિસ્તોલ સ્પર્ધાનો ક્વોલિફિકેશન રાઉન્ડ રમાયો હતો. આ મેચમાં મનુ ભાકર અને ઈશા સિંહ એક્શનમાં જોવા મળ્યા હતા. જેમાં મનુ ભાકરે મહિલાઓની 25 મીટર પિસ્તોલની ફાઇનલમાં પોતાનું સ્થાન નિશ્ચિત કરી લીધું છે. મનુએ કુલ 590 પોઈન્ટ સાથે બીજા સ્થાને રહી હતી. ઈશા સિંહેને નિરાશા હાથ લાગી હતી અને તે 18માં સ્થાને રહી હતી. આવતીકાલે બપોરે 1 કલાકે ફાઇનલ મેચ રમાશે.

મેચમાં મનુ ભાકરનું પ્રદર્શન

આ મેચમાં જો આપણે મનુ વિશે વાત કરીએ, તો આજે પણ મનુ ખૂબ જ લયમાં જોવા મળી હતી. તેણે પ્રથમ રાઉન્ડમાં 98 પોઈન્ટ બનાવ્યા હતા. આ સિવાય ત્રીજી સિરીઝમાં 99નો સ્કોર થયો હતો. આ પછી તે ત્રીજા સ્થાને આવી ગઈ હતી.

પ્રથમ અને બીજા રાઉન્ડમાં ખરાબ પ્રદર્શન

મેચમાં ઈશાની શરૂઆત ખરાબ રહી હતી. ઈશાએ પ્રથમ શ્રેણીમાં 95 સ્કોર મેળવ્યા હતા. ઈશા 95 પોઈન્ટ સાથે 20મા સ્થાને હતી. આ પછી બીજી સિરીઝમાં પણ ઈશાનું પ્રદર્શન કંઈ ખાસ રહ્યું ન હતું. ઈશાએ બીજી સિરીઝમાં 96 માર્કસ મેળવ્યા હતા. જે બાદ ઈશા બીજી સિરીઝમાં 18મા સ્થાને પહોંચી ગઈ હતી. ફાઈનલમાં પહોંચવા માટે ઈશાને ટોપ-8માં જગ્યા બનાવવાની હતી.