- પેરિસ ઓલિમ્પિકનો 26મી જુલાઈથી પ્રારંભ થશે
- ફ્રિમાં પેરિસ ઓલિમ્પિકનો આનંદ માણી શકશો
- ગગન નારંગને ભારતીય ટીમનું નેતૃત્વ કરશે
પેરિસ ઓલિમ્પિકનો 26મી જુલાઈથી પ્રારંભ થવા જઈ રહ્યો છે. ફ્રાન્સની રાજધાની પેરિસમાં 11મી ઓગસ્ટ સુધી તેનું આયોજન કરવામાં આવશે. આ વખતે ઓલિમ્પિકમાં કુલ 206 દેશો ભાગ લેશે. આમાં ભારતના 120 ખેલાડીઓ સામેલ થશે. આ ભારતની અત્યાર સુધીની સૌથી મોટી પાર્ટી હશે. ગોલ્ડન બોય નીરજ ચોપરા, નિખત ઝરીન, લવલીના બોર્ગોહેન, વિનેશ ફોગાટ, પીવી સિંધુ સહિત ઘણા એથ્લેટ આ વખતે ઓલિમ્પિકમાં પોતાની મેડલની આશા પૂરી કરી શકે છે. ભારતની મેન્સ હોકી ટીમ અને સાત્વિકસાઈરાજ રેન્કીરેડ્ડી-ચિરાગ શેટ્ટીની જોડી પણ મેડલના દાવેદાર છે. તમામની નજર ભારતીય ટીમ પર છે.
અહીં જોઇ શકશો લાઇવ
તમે મફતમાં પેરિસ ઓલિમ્પિકનો આનંદ માણી શકો છો. તેનું સ્પોર્ટ્સ 18 ચેનલો પર લાઇવ પ્રસારણ કરવામાં આવશે. તેનું લાઈવ સ્ટ્રીમિંગ ભારતમાં JioCinema એપ અને વેબસાઈટ પર ફ્રીમાં જોઈ શકાશે. પેરિસ ઓલિમ્પિકમાં 10,000થી વધુ ખેલાડીઓ ભાગ લેશે. જેમાં 32 રમતગમત સ્પર્ધાઓમાં 329 ગોલ્ડ મેડલ દાવ પર રહેશે. ભારતની ઈવેન્ટ્સ એક દિવસ પહેલા શરૂ થશે. તેની શરૂઆત 25મી જુલાઈએ તીરંદાજીથી થશે. આ પછી 27 જુલાઈએ હોકી, બેડમિન્ટન, બોક્સિંગ, રોઈંગ, શૂટિંગ, ટેબલ ટેનિસ અને ટેનિસ જેવી સ્પર્ધાઓ જોવા મળશે.
ગગન નારંગ નેતૃત્વ કરશે
તમને જણાવી દઈએ કે તાજેતરમાં જ ભારતીય ઓલિમ્પિક સંઘ (IOA) એ ગગન નારંગને ભારતીય ટીમના શેફ-ડી-મિશન બનાવ્યા છે. લંડન ઓલિમ્પિક્સના બ્રોન્ઝ મેડલ વિજેતા શૂટર ગગન નારંગે મેરી કોમનું સ્થાન લીધું છે. ગગન નારંગ ભારતીય ટીમનું નેતૃત્વ કરતા જોવા મળશે. ટેબલ ટેનિસના દિગ્ગજ એ શરથ કમલ અને પીવી સિંધુ ધ્વજ ધારક હશે. તાજેતરમાં જ મેરી કોમને શેફ-ડી-મિશનના પદ માટે પસંદ કરવામાં આવી હતી, પરંતુ તેમણે ના પાડી દીધી હતી. IOA પ્રમુખ પીટી ઉષાએ આને મંજૂરી આપી છે.
