Paris Paralympics: ભારતનો આઠમો મેડલ, યોગેશ કથુનિયાએ ડિસ્કસ થ્રો F-56માં જીત્યો સિલ્વર

• પેરિસ પેરાલિમ્પિક્સ 2024માં ભારતીય એથ્લેટે શાનદાર પ્રદર્શન કર્યું છે
  
• યોગેશ કથુનિયાએ મેન્સ ડિસ્કસ થ્રો F56માં સિલ્વર મેડલ જીત્યો છે
• યોગેશ કથુનિયાએ સતત બીજી પેરાલિમ્પિકમાં સિલ્વર જીત્યો છે

પેરિસ પેરાલિમ્પિક્સ 2024નો પાંચમો દિવસ છે. આ ગેમ્સના પાંચમા દિવસે પણ ભારતીય પેરા એથ્લેટ્સ ઘણી રમતોમાં ભાગ લઈ રહ્યા છે. આજે યોગેશ કથુનિયાએ મેન્સ ડિસ્કસ થ્રો F56 ઈવેન્ટમાં ભારત માટે સિલ્વર મેડલ જીત્યો છે. યોગેશે સતત બીજી પેરાલિમ્પિકમાં સિલ્વર જીત્યો છે. આ પહેલા યોગેશે ટોક્યો પેરાલિમ્પિકમાં પણ સિલ્વર જીત્યો હતો.

યોગેશ કથુનિયાએ સિલ્વર જીત્યો

યોગેશે પ્રથમ પ્રયાસમાં 42.22 મીટર થ્રો કર્યો, જે તેનો શ્રેષ્ઠ પ્રયાસ હતો. આ ઈવેન્ટમાં બ્રાઝિલના બતિસ્તા ડોસ સેન્ટોસ ક્લડનીએ ગોલ્ડ મેડલ જીત્યો હતો. બતિસ્તાએ 46.86ના શ્રેષ્ઠ થ્રો સાથે આ સિદ્ધિ હાંસલ કરી હતી. બતિસ્તાનો આ થ્રો પેરાલિમ્પિક ગેમ્સના ઈતિહાસમાં આ ઈવેન્ટનો સર્વશ્રેષ્ઠ થ્રો હતો. ગ્રીસના ત્ઝોનિસ કોન્સ્ટેન્ટિનોસે બ્રોન્ઝ મેડલ જીત્યો હતો.

પેરિસ પેરાલિમ્પિક્સ 2024માં ભારતના મેડલ વિજેતાઓ

• અવની લેખરા (શૂટિંગ) – ગોલ્ડ મેડલ, મહિલાઓની 10 મીટર એર રાઈફલ (SH1)
• મોના અગ્રવાલ (શૂટિંગ) – બ્રોન્ઝ મેડલ, મહિલાઓની 10 મીટર એર રાઈફલ (SH1)
• પ્રીતિ પાલ (એથ્લેટિક્સ) – બ્રોન્ઝ મેડલ, મહિલાઓની 100 મીટર રેસ (T35)
• મનીષ નરવાલ (શૂટિંગ) – સિલ્વર મેડલ, પુરુષોની 10 મીટર એર પિસ્તોલ (SH1)
• રૂબિના ફ્રાન્સિસ (શૂટિંગ) – બ્રોન્ઝ મેડલ, મહિલાઓની 10 મીટર એર પિસ્તોલ (SH1)
• પ્રીતિ પાલ (એથ્લેટિક્સ) – બ્રોન્ઝ મેડલ, મહિલાઓની 200 મીટર રેસ (T35)
• નિષાદ કુમાર (એથ્લેટિક્સ) – સિલ્વર મેડલ, મેન્સ હાઈ જમ્પ (T47)