- પૂર્વ ભારતીય ક્રિકેટર પ્રવીણ કુમારે નશા અંગે આપ્યું નિવેદન
- પ્રવિણ કુમારે કહ્યું, સિનિયર ખેલાડીઓ પણ દારુ પીવે છે
- પ્રવીણ કુમાર 2007 થી 2012 સુધી ભારત માટે રમ્યો હતો
પૂર્વ ભારતીય ક્રિકેટર પ્રવીણ કુમારે ચોંકાવનારું નિવેદન આપ્યું છે. વાસ્તવમાં, પ્રવીણ કુમારનું ક્રિકેટર કરિયર બહુ લાંબુ ચાલ્યું ન હતું. એવું કહેવાય છે કે પ્રવીણ કુમાર મેદાનની બહારની સમસ્યાઓનો સતત સંઘર્ષ કરતા રહ્યા. એવો દાવો કરવામાં આવે છે કે પ્રવીણ કુમાર ડ્રગ્સના બંધાણી હતા, જેના કારણે ક્રિકેટર તરીકે તેમની કારકિર્દી લાંબો સમય ટકી ન હતી. પરંતુ હવે પ્રવીણ કુમારે આ મુદ્દે પોતાનું મૌન તોડ્યું છે. સાથે જ પૂર્વ ખેલાડીએ પોતાના નિવેદનથી બધાને ચોંકાવી દીધા છે.
'બધા મને બદનામ કરે છે'
મહેન્દ્ર સિંહ ધોની અને સચિન તેંડુલકર જેવા દિગ્ગજો સાથે ડ્રેસિંગ રૂમ શેર કરી ચૂકેલા પ્રવીણ કુમારે કહ્યું કે લોકોએ મારી ઈમેજ એવી બનાવી છે કે પ્રવીણ કુમાર પીવે છે, પરંતુ વાસ્તવિકતા કંઈક બીજી છે. તે આગળ કહે છે કે જ્યારે હું ભારતીય ટીમનો ભાગ હતો ત્યારે ટીમના સિનિયર ખેલાડીઓ કહેતા હતા કે દારુ પીવું નહીં, આ ન કરવું, આવું ન કરવું… પરંતુ દરેક વ્યક્તિ તે જ કરતા હતા. બધા મને જ બદનામ કરે છે કે પ્રવીણ કુમાર પીવે છે, પરંતુ સિનિયર ખેલાડીઓ પણ પીવે છે.
હું કેમેરામાં મારું નામ લેવા માંગતો નથી...'
વાસ્તવમાં, જ્યારે પ્રવીણ કુમાર ભારતીય ટીમનો ભાગ હતો, ત્યારે ભારતીય ટીમમાં સચિન તેંડુલકર, રાહુલ દ્રવિડ અને સૌરવ ગાંગુલી જેવા સિનિયર ખેલાડીઓ હતા. જ્યારે પ્રવીણ કુમારને પૂછવામાં આવ્યું કે તેમને કયા સિનિયર ખેલાડીએ દારૂ ન પીવાની સલાહ આપી હતી, તો આ સવાલના જવાબમાં પૂર્વ ક્રિકેટરે કહ્યું કે, તે કેમેરામાં નામ લેવા માંગતો નથી.
પ્રવીણ કુમારની કારકિર્દી
પ્રવીણ કુમાર 2007 થી 2012 સુધી ભારતીય ટીમ માટે રમ્યા હતા. આ સમયગાળા દરમિયાન, 6 ટેસ્ટ મેચો સિવાય, પ્રવીણ કુમારે 68 ODI અને 10 T20 મેચોમાં ભારતનું પ્રતિનિધિત્વ કર્યું. ભારતીય ટીમ સિવાય પ્રવીણ કુમાર IPLમાં રોયલ ચેલેન્જર્સ બેંગ્લોર, પંજાબ કિંગ્સ, સનરાઈઝર્સ હૈદરાબાદ અને મુંબઈ ઈન્ડિયન્સનો ભાગ હતો.
