RCB vs CSK: વરસાદે ના બગાડ્યો ખેલ તો ઇતિહાસ રચશે વિરાટ કોહલી

• ઈન્ડિયન પ્રીમિયર લીગ 2024માં આજે સૌથી મહત્વની મેચ રમાશે
  
• વિરાટ કોહલી પણ મેચ દરમિયાન ઈતિહાસ રચી શકે છે
• IPLમાં 8000 રન બનાવનાર પ્રથમ બેટ્સમેન બની શકે છે વિરાટ 

ઈન્ડિયન પ્રીમિયર લીગ 2024માં આજે સૌથી મહત્વની મેચ રમાવાની છે. ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચેની આ શાનદાર મેચની ચાહકો આતુરતાથી રાહ જોઈ રહ્યા છે. મેચ પર વરસાદની છાયા છે. હવામાન વિભાગના અહેવાલ મુજબ આજે બેંગલુરુમાં વરસાદની સંભાવના છે. આવી સ્થિતિમાં મેચ ખોરવાઈ શકે છે. જો કે ઈન્દ્રદેવ મેચ દરમિયાન દયાળુ હોય તો ચાહકોને 40 ઓવરની મેચ જોવા મળી શકે છે. RCBના પૂર્વ કેપ્ટન વિરાટ કોહલી પણ મેચ દરમિયાન ઈતિહાસ રચી શકે છે.

વિરાટ કોહલીનું IPL કરિયર

વિરાટ કોહલી IPLમાં અત્યાર સુધી 250 મેચ રમી ચૂક્યો છે. આ સમયગાળા દરમિયાન તેણે 242 ઇનિંગ્સમાં 38.65ની એવરેજ અને 131.80ની સ્ટ્રાઇક રેટથી 7924 રન બનાવ્યા છે. 55 અર્ધશતકની સાથે તેણે લીગમાં 8 સદી પણ ફટકારી છે. જો વિરાટ આજે ચેન્નાઈ સુપર કિંગ્સ સામે 76 રન બનાવશે તો તે IPLમાં 8000 રન પૂરા કરશે. આ સાથે વિરાટ IPLમાં 8000 રન બનાવનાર પ્રથમ બેટ્સમેન બની જશે. આટલું જ નહીં, એક ચોગ્ગો મારતાની સાથે જ તે પોતાની લીગમાં 700 ચોગ્ગા પૂરા કરી લેશે.

IPLમાં સૌથી વધુ રન

• વિરાટ કોહલી: 7924 રન
• શિખર ધવન: 6769 રન
• રોહિત શર્માઃ 6628 રન
• ડેવિડ વોર્નર: 6565 રન
• સુરેશ રૈના: 5528 રન