વિરાટ કોહલી અને ગૌતમ ગંભીર ગળે મળ્યા, અકાય વિશે કરી વાત

• રોયલ ચેલેન્જર્સ બેંગ્લોર અને કોલકાતા વચ્ચે મેચ
  
• બેંગ્લોરના એમ. ચિન્નાસ્વામી સ્ટેડિયમમાં મેચ
• મેચ દરમિયાન વિરાટ અને ગંભીર એકબીજામે ભેટ્યા

IPL 2024માં કોલકાતા નાઈટ રાઈડર્સ અને રોયલ ચેલેન્જર્સ બેંગ્લોર વચ્ચેનો ચિન્નાસ્વામી સ્ટેડિયમમાં મેચ રમાઈ રહી છે. ગૌતમ ગંભીર કોલકાતા નાઈટ રાઈડર્સનો મેન્ટર છે જ્યારે વિરાટ કોહલી RCBની બેટિંગના મુખ્ય ખેલાડીઓમાંથી એક છે. દરેક વ્યક્તિ બંનેનો ઈતિહાસ ઘણી હદ સુધી જાણે છે. છેલ્લી વખત IPL 2023માં આ બંને ખેલાડીઓ વચ્ચે ઝઘડો થયો હતો, તે ભારતીય ક્રિકેટની ઝઘડાની ઘટનામાંની એક હતી. પરંતુ આજની મેચમાં એવી ઘટના બની કે દર્શકો આ દ્રશ્ય જોઈને દંગ રહી ગયા હતા.

વિરાટ અને ગંભીર ભેટ્યા

કોલકાતા અને બેંગ્લોર વચ્ચે  ચિન્નાસ્વામી સ્ટેડિયમમાં મેચ રમાઈ રહી છે. આ મેચમાં કોલકતાએ ટોસ જીતીને બોલિંગ કરવાનો નિર્ણય લીધો હતો. આ મેચમાં ડ્રિંક્સ બ્રેક દરમિયાન વિરાટ કોહલી અને ગૌતમ ગંભીર એકબીજાને ભેંટી પડ્યા હતા. આ દ્રશ્ય સોશિયલ મીડિયા પર વાયરલ થઈ રહ્યું છે.

બંને ટીમોના ખેલાડીઓ ડ્રિંક્સ બ્રેક દર્મિયામન વ્યૂહરચના તૈયાર કરી રહ્યા હતા. આ દરમિયાન કોલકાતા કેમ્પ તરફથી ગૌતમ ગંભીર અને RCB તરફથી વિરાટ કોહલી મળ્યા હતા. બંનેએ એકબીજાને ભેટ્યા હતા. આ દરમિયાન ગંભીરે વિરાટ કોહલીના પુત્ર અકાય વિશે પૂછ્યું. આ દરમિયાન બંને ખેલાડીઓ ખૂબ જ ખુશ દેખાઈ રહ્યા છે. તેમની મુલાકાતનો વીડિયો હવે સોશિયલ મીડિયા પર ઝડપથી વાયરલ થઈ રહ્યો છે. આ પહેલા ગત સિઝનમાં બંને વચ્ચે વિવાદ થયો હતો. ગંભીર તે સમયે લખનૌ સુપર જાયન્ટ્સના સપોર્ટ સ્ટાફનો ભાગ હતો.