- BCCIએ પંતને લઈને સૌથી મોટું અપડેટ જાહેર કર્યું
- રિષભ પંતને ફિટ વિકેટકીપર બેટ્સમેન તરીકે જાહેર કર્યો
- IPLમાં વિકેટકીપર બેટ્સમેન તરીકે રમતો જોવા મળશે
IPL 2024ની શરૂઆત પહેલા ભારતીય ક્રિકેટ ફેન્સ માટે એક મોટા સારા સમાચાર આવ્યા છે. BCCIએ ભારતીય ટીમના સ્ટાર વિકેટકીપર બેટ્સમેન રિષભ પંતને ફિટ જાહેર કર્યો છે. 14 મહિનાના રિહેબિલિટેશન બાદ તે મેદાનમાં પરત ફરવા માટે તૈયાર છે. તે IPLમાં દિલ્હીની ટીમ માટે રમે છે અને ટીમનો કેપ્ટન પણ છે. આ દરમિયાન પંજાબ કિંગ્સના કેપ્ટન શિખર ધવને પંતને લઈને મોટું નિવેદન આપ્યું છે.
શિખર ધવને શું કહ્યું?
શિખર ધવને ખુલાસો કર્યો છે કે રિષભ પંતને ડિસેમ્બર 2022માં રોડ અકસ્માતમાં ઈજાગ્રસ્ત થયા બાદ એક સમયે ટોયલેટ જવા માટે મદદની જરૂર હતી, પરંતુ તેના સકારાત્મક વલણને કારણે તે વાપસી કરવામાં સફળ રહ્યો હતો. ધવને એક ઈન્ટરવ્યૂમાં કહ્યું કે તે એટલો બધો પીડામાં હતો કે તે થોડા મહિનાઓ સુધી કંઈ કરી શક્યો નહીં. તેને ટોયલેટ જવા માટે પણ મદદની જરૂર હતી. તે ખરાબ દિવસોથી લઈને અત્યાર સુધી તેણે ઘણી ધીરજ, સકારાત્મકતા અને સહનશીલતા દર્શાવી છે અને તે મોટી વાત છે.
ધવને વધુમાં કહ્યું કે આનાથી ચોક્કસપણે તેને શક્તિ મળી છે અને મને વિશ્વાસ છે કે તે ભવિષ્યમાં દેશને ગૌરવ અપાવશે. રિષભની વાપસીથી હું ખૂબ જ ખુશ અને ઉત્સાહિત છું. ભગવાનની કૃપાથી તે આટલા મોટા અકસ્માતમાંથી બહાર આવવામાં સફળ રહ્યો હતો. પંતને આગામી ઈન્ડિયન પ્રીમિયર લીગ માટે ફિટ જાહેર કરવામાં આવ્યો છે, જેમાં તે દિલ્હી કેપિટલ્સની કેપ્ટનશીપ કરશે. ઈજાના કારણે તે ગયા વર્ષે આ IPLમાં રમી શક્યો ન હતો.
રિષભ પંત કેપ્ટન રહેશે
રિષભ પંત વર્ષ 2021થી દિલ્હી કેપિટલ્સનું નેતૃત્વ કરી રહ્યો છે. પરંતુ વર્ષ 2022માં દિલ્હીથી રૂરકી જતી વખતે રિષભ પંતનો કાર અકસ્માત થયો હતો. આ ઘટના બાદ ઋષભ પંત IPL 2023નો ભાગ બન્યો ન હતો. તેની જગ્યાએ ડેવિડ વોર્નરે ટીમની કમાન સંભાળી છે. તે જ સમયે, ટીમ મેનેજમેન્ટ પહેલાથી જ સ્પષ્ટ કરી ચુક્યું છે કે જો રિષભ પંત વાપસી કરશે તો તે ટીમની કપ્તાની પણ કરશે. આવી સ્થિતિમાં દિલ્હી કેપિટલ્સ ટૂંક સમયમાં કેપ્ટનના નામની જાહેરાત કરી શકે છે.
