વિરાટ કોહલી T20 ક્રિકેટમાં રચશે ઈતિહાસ, આ કારનામું કરનાર પ્રથમ ભારતીય

• વિરાટ IPLમાં 6 રન બનાવીને ખાસ સિદ્ધિ હાસલ કરશે
  
• વિરાટ કોહલીએ T20 ક્રિકેટમાં 11994 રન બનાવ્યા
• વિરાટ કોહલીએ અત્યાર સુધી 376 T20 મેચ રમી છે

IPL 2024 શરૂ થવામાં હવે થોડો સમય બાકી છે. પ્રથમ મેચ ચેન્નાઈ સુપર કિંગ્સ અને RCB વચ્ચે રમાશે. ચેન્નાઈ સુપર કિંગ્સે પાંચ વખત IPL ટ્રોફી જીતી છે. જ્યારે RCB ટીમ એક પણ વખત ટાઈટલ જીતી શકી નથી. CSK સામેની મેચમાં વિરાટ કોહલી માત્ર 6 રન બનાવીને ઈતિહાસ રચશે.

આ ખાસ સિદ્ધિ હાંસલ કરશે

વિરાટ કોહલીની ગણતરી વિશ્વના શ્રેષ્ઠ બેટ્સમેનોમાં થાય છે. જો તે IPL 2024ની પ્રથમ મેચમાં ચેન્નાઈ સુપર કિંગ્સ સામે 6 રન બનાવશે તો તે T20 ક્રિકેટમાં તેના 12000 રન પૂરા કરશે. તે T20 ક્રિકેટમાં 12000 રન બનાવનાર પ્રથમ ભારતીય બનશે. તેના પહેલા કોઈ ભારતીય T20 ક્રિકેટમાં આ કારનામું કરી શક્યું નથી. વિરાટ કોહલીએ અત્યાર સુધી 376 T20 મેચમાં 11994 રન બનાવ્યા છે જેમાં 8 સદી સામેલ છે. આ સિવાય તેના નામે 91 ફિફ્ટી સામેલ છે. T20 ક્રિકેટમાં ક્રિસ ગેલે સૌથી વધુ રન બનાવ્યા છે. ગેલના નામે 14562 રન છે.

આ ખેલાડીએ T20 ક્રિકેટમાં સૌથી વધુ રન બનાવ્યા

• ક્રિસ ગેલ- 14562 રન
• શોએબ મલિક- 13338 રન
• કિરોન પોલાર્ડ- 12899 રન
• એલેક્સ હેલ્સ- 12295 રન
• ડેવિડ વોર્નર- 12065 રન
• વિરાટ કોહલી- 11994 રન

IPLમાં 7 સદી ફટકારી

વિરાટ કોહલી IPLમાં સૌથી વધુ રન બનાવનાર બેટ્સમેન છે. જો તે ક્રિઝ પર હાજર હોય તો ફેન્સને મેચ જીતવાની આશા રહે છે. તેણે ઘણી વખત RCB ટીમને મુશ્કેલ પરિસ્થિતિઓમાંથી બચાવી છે. કોહલીએ 2008 થી 2023 સુધી IPLની 16 સીઝન માત્ર RCB ટીમ માટે રમી છે. આવું કરનાર તે પ્રથમ ખેલાડી છે. કોહલીએ IPLમાં 7263 રન બનાવ્યા છે જેમાં 7 સદી સામેલ છે.