બેંગલુરુમાં ભારત અને ન્યુઝીલેન્ડ વચ્ચે રમાઈ રહેલી મેચમાં ટીમ ઈન્ડિયાએ બીજી ઈનિંગમાં શાનદાર વાપસી કરી હતી. પ્રથમ મેચમાં માત્ર 46 રનમાં ઓલઆઉટ થયા બાદ ટીમ ઈન્ડિયાએ બીજી ઈનિંગમાં શાનદાર વાપસી કરી હતી. ભારતીય વિકેટકીપર બેટ્સમેન રિષભ પંત અને સરફરાઝ ખાને ભારતીય ઇનિંગ્સને સંભાળી હતી અને શાનદાર ઇનિંગ રમી હતી. પંત 99 રન બનાવીને આઉટ થયો હતો. પરંતુ તેણે પોતાની ઈનિંગમાં આવી સિક્સ ફટકારી, જેના પછી ન્યૂઝીલેન્ડના ખેલાડીઓ અવાચક થઈ ગયા.


રિષભ પંતની ગગનચૂંબી સિક્સ

જો કે રિષભ પંત આ મેચમાં સદી પૂરી કરી શક્યો ન હતો. પરંતુ તેણે પોતાની બેટિંગથી ચોક્કસપણે દિલ જીતી લીધું. 86.3 ઓવરમાં પંતે ફાસ્ટ બોલર ટિમ સાઉથીના બોલ પર ફટકાર્યો હતો. તેણે 107 મીટરની ગર્જના કરતી સિક્સ ફટકારી હતી. બોલ સ્ટેડિયમની બહાર ગયો. પંતની આ સિક્સ જોઈને ન્યુઝીલેન્ડના ખેલાડીઓ ચોંકી ગયા હતા. પંતે આ મેચમાં 99 રનની શાનદાર ઇનિંગ રમી હતી. આ ઇનિંગમાં તેણે 10 બોલનો સામનો કર્યો, જેમાં તેણે 9 ચોગ્ગા સિવાય 5 છગ્ગા ફટકાર્યા. તેના સિવાય સરફરાઝ ખાને 195 બોલનો સામનો કરીને 150 રન બનાવ્યા જેમાં 18 ફોર અને 3 સિક્સ સામેલ છે.

Also Read


રિષભ પંતનું સતત શાનદાર પ્રદર્શન

ન્યુઝીલેન્ડ સામેની સીરીઝ પહેલા પંતે બાંગ્લાદેશ સામે શાનદાર રમત બતાવી હતી. તેણે પ્રથમ મેચમાં 39 અને 109 રનની ઇનિંગ રમી હતી જ્યારે બીજી મેચમાં પણ તેણે 9 અને 4 રનની અણનમ ઇનિંગ રમી હતી. પંત ટેસ્ટ ક્રિકેટમાં સતત સારું પ્રદર્શન કરી રહ્યો છે.


મેચની સ્થિતિ

પ્રથમ બેટિંગ કરતા ભારત 46 રનમાં ઓલઆઉટ થઈ ગયું હતું જેના જવાબમાં ન્યૂઝીલેન્ડે 438 રનનો વિશાળ સ્કોર બનાવ્યો હતો. ન્યૂઝીલેન્ડ માટે રચિન રવિન્દ્રએ 157 બોલમાં 134 રન બનાવ્યા હતા. ભારત તરફથી સરફરાઝ ખાને 150 રન બનાવ્યા હતા. ચોથા દિવસે ભારતે કુલ 462 રન બનાવ્યા હતા. હવે ન્યૂઝીલેન્ડને જીતવા માટે 107 રનની જરૂર છે.

  • Follow us on: