Rohit Sharma T-20માં 500 સિક્સર ફટકારનાર પ્રથમ ભારતીય બન્યો

• MI vs CSKની મેચમાં રોહિતે બનાવ્યો રેકોર્ડ
  
• ટી-20માં સૌથી વધુ સિક્સર ફટકારનાર ખેલાડી રોહિત
• બીજા સ્થાન પર કોહલી તો ત્રીજા પર ધોનીનું સ્થાન

IPL-2024 માં એક પછી એક નવા રેકોર્ડ બની રહ્યા છે. જેમાં મુંબઈ અને ચેન્નાઈ વચ્ચેની મેચમાં ધોનીએ ત્રણ સિક્સર ફટકારીને નવો રેકોર્ડ બનાવ્યો છે. જ્યા બીજી ઈનિંગમાં મુંબઈ ઈન્ડિયન્સના પૂર્વ કેપ્ટન રોહિત શર્માએ એક ખાસ રેકોર્ડ બનાવ્યો, જેમાં હવે રોહિતે ટી-20 ક્રિકેટમાં 500 સિક્સર ફટકારવાનો નવો ઈતિહાસ બનાવ્યો છે.

રવિવારની મેચમાં મુંબઈ ઈન્ડિયન્સના પૂર્વ કેપ્ટન રોહિત શર્માની ઘણી જ શાનદાર બેટિંગ જોવા મળી હતી. આ મેચમાં રોહિતે પોતાની ત્રીજી સિક્સર ફટકારતાં જ ટી-20 ક્રિકેટમાં નવો ઈતિહાસ લખી દીધો. રોહિત શર્મા હવે T-20 ક્રિકેટમાં 500 થી વધુ સિક્સ મારનાર પ્રથમ ભારતીય બેટ્સમેન બની ગયો છે. આ મેચ પહેલા રોહિતના નામે T20 ક્રિકેટમાં 497 સિક્સર ફટકાર્યા અને આ મેચમાં કુલ 4 સિક્સ ફટકારી 501 સિક્સર ફટકાર્યા છે.

રોહિત શર્મા હવે T-20 ક્રિકેટમાં સૌથી વધુ સિક્સર મારનાર પ્રથમ ભારતીય બેટ્સમેન બની ગયો છે. જ્યારે વિરાટ કોહલીનું નામ આ યાદીમાં બીજા સ્થાને આવે છે. કોહલીએ T-20 ક્રિકેટમાં અત્યાર સુધીમાં 383 સિક્સર ફટકારી છે. આ સિવાય ટીમ ઈન્ડિયા અને CSKના પૂર્વ કેપ્ટન એમએસ ધોનીનું નામ ત્રીજા નંબર પર આવે છે. એમએસ ધોનીના નામે ટી-20 ક્રિકેટમાં 328 સિક્સર છે. આ યાદીમાં ચોથા સ્થાન પર ટીમ ઈન્ડિયાના પૂર્વ ક્રિકેટર અને 'મિસ્ટર આઈપીએલ' સુરેશ રૈનાનું નામ આવે છે. ટી20 ક્રિકેટમાં રૈનાના નામે 325 સિક્સર હતી.