- આજે એશિયા કપની ફાઈનલ કોલંબોમાં રમાશે
- ગિલ અને રોહિત શર્માનો વીડિયો થયો વાયરલ
- રોહિત શર્માએ ભીડ સામે ગિલને આપ્યો ઠપકો
એશિયા કપ 2023ની ફાઈનલ મેચ પહેલા સોશિયલ મીડિયા પર એક વીડિયો વાયરલ થયો છે. આ વીડિયોમાં શુભમન ગિલ ભારતીય કેપ્ટન રોહિત શર્મા સાથે છે. ગીલની વાતથી ચિડાઈ ગયેલા રોહિત શર્માએ તેને ભીડની સામે ઠપકો આપ્યો હતો.
ભારતની એશિયા કપ 2023ની શ્રીલંકા સામેની ફાઈનલ મેચ પહેલા રોહિત શર્મા અને શુભમન ગિલનો એક વીડિયો ચર્ચાનો વિષય બન્યો છે. ભારતીય ટીમનો કેપ્ટન રોહિત લિફ્ટની બહાર ઊભા છે અને તેમના સાથી ઓપનર શુભમન ગિલ સાથે વાત કરી રહ્યા છે. આ દરમિયાન શુભમન ગિલે કંઈક એવું કહ્યું જે કદાચ રોહિત શર્માને પસંદ ન આવ્યું. તેના પર ભારતીય કેપ્ટને પોતાની સ્ટાઈલમાં કહ્યું- આવું નહીં થાય, શું તમે પાગલ છો?
ગીલે શું કહ્યું હશે?
સોશિયલ મીડિયા પર યુઝર્સ એવી અટકળો લગાવી રહ્યા છે કે શુભમન ગીલે શું કહ્યું હશે, જેના પર રોહિત શર્માએ આવી પ્રતિક્રિયા આપી. એકે લખ્યું કે શુભમન ગિલે કહ્યું હશે- રોહિત ભાઈ મેં ગઈ કાલે સદી ફટકારી, ચાલો આજે પાર્ટી કરીએ. બીજાના મતે, ગિલે કહ્યું હશે - તમે ઇશાનને ડ્રોપ તો નહીં કરોને? અંશ શાહ નામના યુઝરના જણાવ્યા પ્રમાણે, શુભમન ગિલે રોહિત શર્માને કહ્યું- એક વખત પ્રેસ કોન્ફરન્સમાં બાબર આઝમને સ્ટેટપૈડર કહી દો. અન્ય એક એક્સ યુઝરના કહેવા પ્રમાણે, જ્યારે ગિલે કહ્યું કે રોહિત ભાઈ લિફ્ટ છોડીને સીડીઓથી નીચે જાઓ. આ પછી રોહિતે આ રીતે જવાબ આપ્યો હશે.
ફાઇનલમાં બંને પર મોટી જવાબદારી
રોહિત શર્મા અને શુભમન ગિલ એશિયા કપ 2023માં ભારત માટે સૌથી વધુ રન બનાવનાર બેટ્સમેન છે. ગિલે સુપર 4ની છેલ્લી મેચમાં બાંગ્લાદેશ સામે સદી ફટકારી હતી. બીજી તરફ, રોહિતે સતત ત્રણ મેચમાં ત્રણ અર્ધસદી ફટકારી હતી. બાંગ્લાદેશ સામે તે ખાતું પણ ખોલાવી શક્યો નહોતો. ભારતીય કેપ્ટન ફાઇનલ મેચમાં મોટી ઇનિંગ રમવાનો પ્રયાસ કરશે.
