- ક્રિકેટની દુનિયામાં દરરોજ રેકોર્ડ બને છે અને તૂટે છે
- યુવરાજ સિંહનો 6 સિક્સનો રેકોર્ડ તૂટી ગયો છે
- ડેરિયસ વિસરે એક ઓવરમાં 39 રન બનાવ્યા
ક્રિકેટની દુનિયામાં દરરોજ રેકોર્ડ બને છે અને તૂટે છે. જ્યારે ટીમ ઈન્ડિયાના દિગ્ગજ ઓલરાઉન્ડર યુવરાજ સિંહે ઈંગ્લેન્ડના બોલર સ્ટુઅર્ટ બ્રોડની એક ઓવરમાં 36 રન ફટકાર્યા ત્યારે માનવામાં આવી રહ્યું હતું કે આ રેકોર્ડ ખૂબ જ મુશ્કેલીથી તૂટશે. પરંતુ હવે આ રેકોર્ડ તૂટી ગયો છે. હવે આ નવો શરમજનક રેકોર્ડ વનુઆતુના બોલર નલિન નિપિકોના નામે નોંધાયો છે, જેણે એક ઓવરમાં 36ને બદલે 39 રન આપ્યા છે. નલિન નિપિકો T20 ઈન્ટરનેશનલ ક્રિકેટમાં એક ઓવરમાં સૌથી વધુ રન આપનાર બોલર બની ગયો છે. આ પહેલા ટી20 ઈન્ટરનેશનલ ક્રિકેટમાં ઘણી વખત 1 ઓવરમાં 36 રન બની ચૂક્યા છે.
આ દિગ્ગજે લૂંટી મહેફીલ
સમોઆ અને વનુઆતુ ક્રિકેટ ટીમ વચ્ચે T20 મેચ રમાઈ રહી છે. આ મેચમાં પ્રથમ બેટિંગ કરવા આવેલી સામોન ક્રિકેટ ટીમની શરૂઆત સારી રહી ન હતી. ઓપનર સીન કોટર અને ડેનિયલ બર્ગેસ 5 રન બનાવીને આઉટ થયા હતા. આ પછી બેટિંગ કરવા આવેલા ડેરિયસ વિસરે જવાબદારી લીધી અને માત્ર 62 બોલમાં 132 રનની તોફાની બેટિંગ કરી. આ દરમિયાન તેણે 5 ચોગ્ગા અને 14 છગ્ગા પણ ફટકાર્યા હતા. ડેનિયલની આ ઇનિંગની મદદથી સમોઆ ક્રિકેટ ટીમ 174 રન બનાવી શકી હતી અને મેચ જીતી લીધી હતી.
એક ઓવરમાં 39 રન બન્યા
સમોઆ ક્રિકેટ ટીમનો બેટ્સમેન ડેરિયસ વિસેર નલિન નિપિકો સામે બેટિંગ કરી રહ્યો હતો, જે વનુઆતુ ક્રિકેટ ટીમ માટે 15મી ઓવર લાવ્યો હતો. ડેરિયસ વિસરે આ ઓવરમાં 6 સિક્સર ફટકારી હતી. પ્રથમ 3 બોલ પર સતત છ છગ્ગા ફટકાર્યા બાદ તેણે છેલ્લા 6 બોલ પર વધુ 3 છગ્ગા ફટકાર્યા હતા. જોકે, નલિને આ દરમિયાન 3 નો બોલ પણ ફેંક્યા હતા.
યુવરાજ સિંહની બરાબરી કરી હતી
ડેરિયસ વિસરે આ મેચમાં એક ઓવરમાં કુલ 6 સિક્સર ફટકારી છે. આંતરરાષ્ટ્રીય T20 મેચની એક ઓવરમાં 6 સિક્સર મારનાર તે વિશ્વનો ચોથો બેટ્સમેન બની ગયો છે. ડેરિયસ વિસર પહેલા આ કારનામું યુવરાજ સિંહ, કિરોન પોલાર્ડ અને નેપાળના દીપેન્દ્ર સિંહ એરીએ કર્યું હતું.
T20 ક્રિકેટમાં અત્યાર સુધી 1 ઓવરમાં સૌથી વધુ રન બનાવનારા ખેલાડી
- 39-ડેરિયસ વિસેર- સમોઆ vs વાનુઆતુ, 2024
- 36, યુવરાજ સિંહ ભારત vs ઈંગ્લેન્ડ, 2007
- 36, કિરોન પોલાર્ડ - વેસ્ટ ઈન્ડિઝ vs શ્રીલંકા, 2021
- 36, રોહિત શર્મા/રિંકુ સિંહ – ભારત vs અફઘાનિસ્તાન 2024
- 36, દીપેન્દ્ર સિંહ એરી – નેપાળ vs કતાર, 2024
- 36, નિકોલસ પૂરન- વેસ્ટ ઈન્ડિઝ vs અફઘાનિસ્તાન, 2024
