- વર્લ્ડકપ 2024 પહેલા PCBએ મોટો નિર્ણય લીધો
- શાહીન આફ્રિદીને હટાવી બાબરને કેપ્ટન બનાવ્યો
- પૂર્વ કેપ્ટનઆફ્રિદીએ PCB પર લગાવ્યો ગંભીર આરોપ
ICC T20 વર્લ્ડકપ 2024 પહેલા PCBએ મોટો નિર્ણય લીધો છે. PCBએ ફરી એકવાર શાહીન આફ્રિદીને હટાવી બાબર આઝમને પાકિસ્તાનનો કેપ્ટન બનાવ્યો છે. ત્યારથી વિવાદ શરૂ થયો છે. શાહીન પાસેથી કેપ્ટનશીપ છીનવી લીધા બાદ પહેલા પૂર્વ દિગ્ગજ ખેલાડી શાહિદ આફ્રિદીએ નિવેદન આપ્યું અને હવે શાહીન આફ્રિદીએ પણ પ્રતિક્રિયા આપી છે. બાબર આઝમ અંગે નિવેદન આપતા શાહીને PCB પર મોટો આરોપ લગાવ્યો છે. તે સ્પષ્ટપણે લાગે છે કે ટીમમાં બધું બરાબર ચાલી રહ્યું નથી.
શાહીનના નિવેદન પર હોબાળો
શાહીન આફ્રિદીએ સુકાની પદ છોડ્યા બાદ PCB પર ગંભીર આરોપ લગાવ્યા છે. શાહિને કહ્યું કે PCBએ તેની વેબસાઈટ પર બાબર આઝમને કેપ્ટનશિપ સોંપવા પર મને ટાંકીને આપેલું નિવેદન ખોટું છે. શાહીનના આ ઘટસ્ફોટથી કેપ્ટનશિપના વિવાદને વધુ વેગ મળ્યો છે. શાહીનને ટાંકીને PCBના નિવેદનથી ફાસ્ટ બોલર ઘણો નારાજ છે. તેણે કહ્યું છે કે મેં જે ક્યારેય કહ્યું નથી તે મારા તરફથી ટાંકવામાં આવી રહ્યું છે.
શાહીનને ટાંકીને PCBએ શું કહ્યું
શાહીનને ટાંકીને PCBએ બાબર આઝમ વિશે કહ્યું કે 'હું હંમેશા આ યાદો અને તકોને મારી અંદર રાખીશ'. એક ખેલાડી તરીકે બાબર આઝમનું સમર્થન કરવું મારી ફરજ છે. શાહીનને વધુ ટાંકીને કહેવામાં આવ્યું હતું કે મને બાબરની કેપ્ટનશીપમાં રમવાની તક મળી છે, મને તેના માટે ઘણું સન્માન છે. હું બાબરને મદદ કરવાનો મારાથી બનતો પ્રયાસ કરીશ. આપણે બધા સરખા છીએ, પાકિસ્તાનને વિશ્વની નંબર વન ટીમ બનાવવાનું આપણા બધાનું એક જ લક્ષ્ય છે. એક રિપોર્ટમાં દાવો કરવામાં આવી રહ્યો છે કે શાહીન આફ્રિદી PCBથી ખૂબ નારાજ હતો.
શાહિદ આફ્રિદીએ પણ મોટું નિવેદન
શાહીન આફ્રિદી પહેલા પૂર્વ દિગ્ગજ પાકિસ્તાની ક્રિકેટર શાહિદ આફ્રિદીએ પણ કેપ્ટન બદલવા અંગે નિવેદન આપ્યું હતું. તેણે PCBના આ નિર્ણયને પણ ખોટો ગણાવ્યો અને કહ્યું કે શાહીન આફ્રિદીને સુકાનીપદેથી હટાવવા જોઈતો ન હતો. પરંતુ જો PCBએ કેપ્ટન બદલવો હોય તો પણ આ જવાબદારી બાબર આઝમને નહીં પણ મોહમ્મદ રિઝવાનને આપવી જોઈતી હતી. આ રીતે બાબરના કેપ્ટન બનતાની સાથે જ વિવાદ જોરમાં છે.
