પાકિસ્તાનના શાન મસૂદે ટેસ્ટ ક્રિકેટમાં રચ્યો ઈતિહાસ, યશસ્વી જયસ્વાલને છોડ્યો પાછળ

પાકિસ્તાન ક્રિકેટ ટીમનો કેપ્ટન શાન મસૂદ ઇંગ્લેન્ડ સામે આજથી શરૂ થયેલી પ્રથમ ટેસ્ટમાં પોતાના નામ પ્રમાણે શાનદાર બેટિંગ કરી રહ્યો છે. આ મેચમાં 177 બોલમાં 13 ફોર અને 2 સિક્સની મદદથી 151 રન બનાવ્યા હતા. આ સાથે તેણે ભારતીય ટીમના ઓપનિંગ બેટ્સમેન યશવી જયસ્વાલને પણ પાછળ છોડ્યો હતો.

જો રૂટે WTCમાં સૌથી વધુ રન બનાવ્યા

વર્લ્ડ ટેસ્ટ ચેમ્પિયનશિપમાં અત્યાર સુધી સૌથી વધુ રન બનાવનાર બેટ્સમેન ઈંગ્લેન્ડનો જો રૂટ હવે એટલો આગળ વધી ગયો છે કે કોઈ પણ જલ્દી તેનો પીછો કરી શકશે નહીં. તેણે અત્યાર સુધીમાં ચાર હજારથી વધુ રન બનાવ્યા છે. તે પાંચ હજાર રન બનાવવાની નજીક છે, જ્યારે બીજા બેટ્સમેન પાસે ચાર હજાર રન પણ નથી.

WTCમાં યશસ્વી જયસ્વાલનું પ્રદર્શન

યશસ્વી જયસ્વાલે વર્લ્ડ ટેસ્ટ ચેમ્પિયનશિપમાં અત્યાર સુધી કુલ 11 મેચ રમી છે અને આ દરમિયાન તેણે પોતાના બેટથી 1217 રન બનાવ્યા છે. અહીં તેની સરેરાશ 64.05 છે અને તે 71.67ના સ્ટ્રાઈક રેટથી રન બનાવી રહ્યો છે. અત્યાર સુધીમાં તેણે આ ચેમ્પિયનશિપમાં ત્રણ સદી અને 7 ફિફ્ટી ફટકારી છે. પાકિસ્તાન વિરુદ્ધ ઈંગ્લેન્ડ ટેસ્ટ પહેલા, શાન મસૂદને યશસ્વી જયસ્વાલને પાછળ છોડવા માટે 128 રનની જરૂર હતી, જે તેણે આ મેચમાં હાંસલ કરી છે.

શાન મસૂદે જયસ્વાલને પાછળ છોડ્યો

શાન મસૂદની વાત કરીએ તો અત્યાર સુધી તેણે વર્લ્ડ ટેસ્ટ ચેમ્પિયનશિપમાં 21 મેચની 37 ઇનિંગ્સમાં 1220 રન બનાવ્યા છે. અહીં તેની એવરેજ 33.88 છે અને તે 58.65ના સ્ટ્રાઈક રેટથી રન બનાવી રહ્યો છે. જો કે આટલા રન બનાવવા છતાં યશસ્વી જયસ્વાલ અને શાન મસૂદ હજુ પણ વર્લ્ડ ટેસ્ટ ચેમ્પિયનશિપમાં ઘણા પાછળ છે,

જયસ્વાલ પાસે ન્યુઝીલેન્ડ સિરીઝમાં આગળ વધવાની તક

પાકિસ્તાન અને ઈંગ્લેન્ડ વચ્ચે ત્રણ મેચોની સિરીઝ ચાલુ છે. જેની પ્રથમ મેચ હાલમાં ચાલી રહી છે. ટૂંક સમયમાં, એટલે કે આ મહિને, ભારત અને ન્યુઝીલેન્ડ વચ્ચે ત્રણ મેચની ટેસ્ટ સિરીઝ રમવાની છે. જેમાં યશસ્વી જયસ્વાલ પાસે પણ શાન મસૂદને પાછળ છોડવાની તક હશે. એટલે કે શાન મસૂદ અને યશસ્વી જયસ્વાલ વચ્ચેની આ લડાઈ ખૂબ જ રસપ્રદ બનવાની છે. અંતે કોણ જીતે છે તે જોવું રહ્યું.