કોમનવેલ્થ ગેમ્સના સમાપન સમારોહમાં શરથ કમલ અને નિખત ઝરીન ભારતના 'ફ્લેગ બેરર'

• કોમનવેલ્થ ગેમ્સ 2022નો આજે છેલ્લો દિવસ
  
• સમાપન સમારોહમાં ફરી એકવાર તમામ દેશોના નવા ધ્વજ ધારકો
• શરથ કમલ-નિખત ઝરીન ભારતના 'ફ્લેગ બેરર'

ઈંગ્લેન્ડના બર્મિંગહામમાં રમાઈ રહેલી 22મી કોમનવેલ્થ ગેમ્સનો આજે (8 ઓગસ્ટ) છેલ્લો દિવસ છે. આ રમતો આજે સમાપ્ત થશે અને સમાપન સમારોહ પણ યોજાશે. આ સમાપન સમારોહમાં ફરી એકવાર તમામ દેશોના નવા ધ્વજ ધારકો હશે.

શરથ કમલ-નિખત ઝરીન ભારતના 'ફ્લેગ બેરર'

ટેબલ ટેનિસ સ્ટાર શરથ કમલ અને મહિલા બોક્સર નિખત ઝરીન સમાપન સમારોહમાં ભારત તરફથી ફ્લેગ બેરર હશે. આ વખતે ઓપનિંગ સેરેમનીમાં બેડમિન્ટન સ્ટાર પીવી સિંધુ અને ભારતીય પુરૂષ હોકી ટીમના કેપ્ટન મનપ્રીત સિંહ ધ્વજધારક હતા. ભારતીય ટીમના વડા રાજેશ ભંડારીએ આ અંગે જાહેરતા કરી હતી.

શરથ કમલ-નિખત ઝરીને જીત્યા ગોલ્ડ

તમને જણાવી દઈએ કે આ વખતે બોક્સર નિખત ઝરીને કોમનવેલ્થ ગેમ્સમાં ગોલ્ડ મેડલ જીત્યો છે. નિખાતે 48-50 કિગ્રા ફ્લાયવેટ ફાઇનલમાં ઉત્તરી આયરલેન્ડની કાર્લી એમસી નૌલને 5-0થી હરાવી હતી. બોક્સિંગમાં ભારતીય ટીમ માટે આ ત્રીજો ગોલ્ડ મેડલ હતો. જ્યારે 40 વર્ષીય શરતે આ ગેમ્સમાં સારું પ્રદર્શન કર્યું અને કુલ ચાર મેડલ જીત્યા. તેણે મેન્સ ટીમ અને મિક્સ્ડ ટીમમાં ગોલ્ડ મેડલ જીત્યા હતા, જ્યારે મેન્સ ડબલ્સમાં સિલ્વર મેડલ જીત્યા હતા. તેણે હજુ સુધી મેન્સ સિંગલ્સની ગોલ્ડ મેડલ મેચ રમવાની છે.

ભારત મેડલ ટેલીમાં ચોથા સ્થાને

ભારતે 10મા દિવસે એટલે કે રવિવારે કુલ 15 મેડલ જીત્યા હતા. 11માં દિવસે ભારતે ગોલ્ડ સાથે ખાતું ખોલાવ્યું છે. આ સાથે ભારત હવે મેડલ ટેલીમાં ચોથા સ્થાને પહોંચી ગયું છે. ભારત પાસે 19 ગોલ્ડ, 15 સિલ્વર અને 22 બ્રોન્ઝ મેડલ છે. ઓસ્ટ્રેલિયા 66 ગોલ્ડ, 55 સિલ્વર અને 53 બ્રોન્ઝ મેડલ સાથે મેડલ ટેલીમાં ટોચ પર છે. બીજી તરફ યજમાન ઈંગ્લેન્ડ 55 ગોલ્ડ મેડલ સાથે બીજા અને કેનેડા 22 ગોલ્ડ મેડલ સાથે ત્રીજા ક્રમે છે. જ્યારે 19 ગોલ્ડ મેડલ સાથે ન્યુઝીલેન્ડ ભારત પછી એક સ્થાન સરકીને પાંચમા નંબર પર આવી ગયું છે.