- ભારતે ઓસ્ટ્રેલિયાને હરાવીને સિરીઝ કબજે કરી
- હું ફિટનેસના કારણે બોલિંગ નથી કરતો:શ્રેયસ અય્યર
- ભારત સાઉથ આફ્રિકા સામે ટેસ્ટ, ODI અને T20 સિરીઝ રમશે
ટીમ ઈન્ડિયાના મુખ્ય બેટ્સમેન શ્રેયસ અય્યરે ઈન્ટરનેશનલ ક્રિકેટમાં બોલિંગ ન કરવાને લઈને મોટો ખુલાસો કર્યો છે. અય્યરના કહેવા પ્રમાણે, તે મેચ દરમિયાન બોલિંગ કરવા માંગે છે પરંતુ સ્ટ્રેન્થ એન્ડ કન્ડીશનીંગ કોચે તેને મનાઈ કરી છે. વાસ્તવમાં શ્રેયસ અય્યર લાંબા સમયથી ઈજાના કારણે બહાર રહ્યો હતો. પીઠની ઈજાને કારણે તેને ઘણા મહિનાઓ સુધી મેદાનની બહાર રહેવું પડ્યું હતું અને કદાચ તેથી જ તેને અત્યારે બોલિંગ કરવાની મનાઈ કરવામાં આવી છે.
હું ફિટનેસના કારણે બોલિંગ નથી કરતો - શ્રેયસ અય્યર
ઓસ્ટ્રેલિયા સામેની પાંચમી T20 મેચ બાદ શ્રેયસ અય્યરે જણાવ્યું કે તે બોલિંગ કેમ નથી કરી રહ્યો. તેણે કહ્યું કે, હું બોલિંગ કરવા માંગુ છું પરંતુ સ્ટ્રેન્થ અને કન્ડીશનીંગ કોચે મને મનાઈ કરી છે. તે સાચો છે કે મારે થોડા સમય માટે બોલિંગ ન કરવી જોઈએ.
ભારતે ઓસ્ટ્રેલિયાને 6 રને હરાવ્યું
બેંગલુરુમાં રમાયેલી પાંચમી અને છેલ્લી T20 મેચમાં ભારતે ઓસ્ટ્રેલિયાને 6 રનથી હરાવ્યું હતું. પ્રથમ બેટિંગ કરતા ભારતીય ટીમે નિર્ધારિત 20 ઓવરમાં 8 વિકેટ ગુમાવીને 160 રન બનાવ્યા હતા. શ્રેયસ અય્યરે 37 બોલમાં 5 ચોગ્ગા અને 2 છગ્ગાની મદદથી 53 રનની ઇનિંગ રમી હતી. જ્યારે અક્ષર પટેલે 21 બોલમાં 31 રન બનાવ્યા હતા. જવાબમાં કાંગારૂ ટીમ 154 રન જ બનાવી શકી હતી. મુકેશ કુમારે 3 અને અર્શદીપ સિંહ અને રવિ બિશ્નોઈએ 2-2 વિકેટ લીધી હતી. આ રીતે ટીમ ઈન્ડિયાએ આ સિરીઝ 4-1થી જીતી લીધી છે.
ભારત અને સાઉથ આફ્રિકા વચ્ચે સિરીઝ
ભારતીય ટીમને હવે સાઉથ આફ્રિકાના પ્રવાસે જવાની છે, જ્યાં ટેસ્ટ, ODI અને T20 સિરીઝ રમાશે. શ્રેયસ અય્યર પણ આ શ્રેણીમાં વધુ સારું પ્રદર્શન કરવા માંગે છે. આ સિરીઝમાં ભારતીય ટીમમાં પણ ત્રણેય ફોર્મેટ માટે અલગ-અલગ કેપ્ટન બનાવવામાં આવ્યા છે. BCCIએ સાઉથ આફ્રિકા સામેની ODI સિરીઝ માટે કેએલ રાહુલની કેપ્ટન તરીકે નિમણૂક કરી છે. આ સિવાય સૂર્યા ફરી એકવાર T20 સિરીઝમાં કેપ્ટનશિપ કરતો જોવા મળશે. જ્યારે રોહિત શર્મા સાઉથ આફ્રિકા સામેની ટેસ્ટ મેચમાં કેપ્ટન્સી કરશે.
